ಹಿರಿಯರ ರಾಷ್ಟ್ರೀಯ ಹಾಕಿ: ಸೆಮಿಫೈನಲ್‌ಗೆ ಕರ್ನಾಟಕ

ಪುಣೆ: ಪುರುಷರ ವಿಭಾಗದ ಹಿರಿಯರ ರಾಷ್ಟ್ರೀಯ ಹಾಕಿ ಚಾಂಪಿಯನ್‌ಶಿಪ್‌ನಲ್ಲಿ ಕರ್ನಾಟಕ ಸೆಮಿಫೈನಲ್‌ ಪ್ರವೇಶಿಸಿದೆ. ಕ್ವಾರ್ಟರ್‌ಫೈನಲ್‌ ಪಂದ್ಯದಲ್ಲಿ ರಾಜ್ಯ ತಂಡ ಒಟ್ಟಾರೆ 8-3 ಗೋಲುಗಳ ಅಂತರದಿಂದ ಜಾರ್ಖಂಡ್‌ ತಂಡವನ್ನು ಪರಾಭವಗೊಳಿಸಿದೆ. 

ಬೆಳವಾಡಿಯ ಛತ್ರಪತಿ ಶಿವಾಜಿ ಕ್ರೀಡಾಂಗಣದಲ್ಲಿ ಶುಕ್ರವಾರ ನಡೆದ ಪಂದ್ಯದಲ್ಲಿ ವಿಜೇತ ರಾಜ್ಯ ತಂಡದ ಪರ ಮೊಹಮ್ಮದ್‌ ರಾಹಿಲ್‌ (9, 16, 17 ಹಾಗೂ 28ನೇ ನಿಮಿಷ)ದಲ್ಲಿ ಒಟ್ಟಾರೆ 4 ಗೋಲು ಸಿಡಿಸಿದರು. ಉಳಿದಂತೆ ಪೃಥ್ವಿರಾಜ್‌ (3, 27ನೇ ನಿಮಿಷ), ಸುದೇವ್‌ ಹಾಗೂ ಕೆ.ಆರ್‌.ಭರತ್‌ (6ನೇ ನಿಮಿಷ)ದಲ್ಲಿ ಗೋಲು ಸಿಡಿಸಿ ತಂಡಕ್ಕೆ ನೆರವಾದರು. ರಾಜ್ಯ ಸೇರಿದಂತೆ ಮಹಾರಾಷ್ಟ್ರ,  ಉತ್ತರ ಪ್ರದೇಶ ಹಾಗೂ ಹರ್ಯಾಣ ತಂಡಗಳು ಸೆಮಿಫೈನಲ್‌ಗೇರಿದ ಇತರೆ ತಂಡಗಳಾಗಿವೆ.