ಆಲೀಗಢ BSP ಅಭ್ಯರ್ಥಿಯ ಕಾರಿನಲ್ಲಿ ಶಸ್ತ್ರಾಸ್ತ್ರ , ನಗದು ಪತ್ತೆ; ವಶ

ಆಲೀಗಢ : ಬಹುಜನ ಸಮಾಜ ಪಕ್ಷದ ಛರ್ರಾ – ಆಲೀಗಢ ಅಭ್ಯರ್ಥಿ ಮೊಹಮ್ಮದ್‌ ಸಗೀರ್‌ ಅವರ ಕಾರಿನಲ್ಲಿದ್ದ ಆರು ಲಕ್ಷ ರೂ. ನಗದು ಮತ್ತು ಪರವಾನಿಗೆ ಇರುವ ಎರಡು ಸೆಮಿ ಆಟೋಮ್ಯಾಟಿಕ್‌ ರೈಫ‌ಲ್‌ಗ‌ಳನ್ನು ಪೊಲೀಸರು ವಶಪಡಿಸಿಕೊಂಡಿದ್ದಾರೆ.

ಚುನಾವಣಾ ಮಾದರಿ ನೀತಿ ಸಂಹಿತೆಯ ಉಲ್ಲಂಘನೆಯನ್ನು ಪರೀಕ್ಷಿಸುವ ಸಲುವಾಗಿ ನಡೆಸಲಾಗುತ್ತಿದ್ದ ತಪಾಸಣೆಯ ವೇಳೆ ಬಿಎಸ್‌ಪಿ ಅಭ್ಯರ್ಥಿಯ ಕಾರಿನಲ್ಲಿ ಶಸ್ತ್ರಾಸ್ತ್ರಗಳು ಹಾಗೂ ಆರು ಲಕ್ಷ ರೂ. ನಗದು ಪತ್ತೆಯಾದವು ಎಂದು ಪೊಲೀಸರು ತಿಳಿಸಿದ್ದಾರೆ. 

ಕಾರಿನಲ್ಲಿ ಶಸ್ತ್ರಾಸ್ತ್ರ ಹಾಗೂ ನಗದು ಮಾತ್ರವಲ್ಲದೆ ರಾಜಕೀಯ ಪಕ್ಷಗಳಿಗೆ ಸೇರಿದ ಧ್ವಜಗಳು ಹಾಗೂ 40 ಹೂಟ್‌ಗಳನ್ನು ಕೂಡ ಪೊಲೀಸರು ವಶ ಪಡಿಸಿಕೊಂಡಿದ್ದಾರೆ.