ಪಿಎಂ ಪ್ರವಾಸದಲ್ಲಿ ಭದ್ರತಾ ಲೋಪ; ಪೊಲೀಸರ ವಜಾ

ನೊಯ್ಡಾ:  ಇದೇ ತಿಂಗಳ 25ರಂದು ದಿಲ್ಲಿ ಮೆಟ್ರೋ ರೈಲಿನ ನೇರಳೆ ಮಾರ್ಗದ ಉದ್ಘಾಟನೆಗಾಗಿ ನೋಯ್ಡಾಕ್ಕೆ ಆಗಮಿಸಿದ್ದ ಪ್ರಧಾನಿ ಮೋದಿಯವರ ಕಾರು ಹಾಗೂ ಅವರ ಬೆಂಗಾವಲು ಪಡೆಯನ್ನು ಪೂರ್ವ ನಿಗದಿತ ದಾರಿಯಲ್ಲಿ ಕೊಂಡೊಯ್ಯದೆ ಬೇರೊಂದು ದಾರಿಯಲ್ಲಿ ಕೊಂಡೊಯ್ದು ಶಿಷ್ಟಾಚಾರ ಉಲ್ಲಂಘಿಸಿದ್ದ ಸಬ್‌ ಇನ್ಸ್‌ ಪೆಕ್ಟರ್‌ ದಿಲೀಪ್‌ ಸಿಂಗ್‌ ಹಾಗೂ ಪೊಲೀಸ್‌ ಜೀಪ್‌ ಚಾಲಕ ಜೈಪಾಲ್‌ ಉತ್ತರ ಪ್ರದೇಶ ಸರಕಾರ ಅಮಾನತುಗೊಳಿಸಿದೆ. ಪ್ರಧಾನಿಯವರ ಕಾರು ಹಾಗೂ ಬೆಂಗಾವಲು ಪಡೆಗೆ ಮಾರ್ಗಸೂಚಿಯಂತೆ ಸಾಗುತ್ತಿದ್ದ ಈ ಇಬ್ಬರೂ ಇದ್ದ ಜೀಪು ತಪ್ಪು ದಾರಿಗೆ ತಿರುವು ಪಡೆದಿದ್ದರಿಂದಾಗಿ ಟ್ರಾಫಿಕ್‌ ಜಾಮ್‌ನಲ್ಲಿ ಸಿಕ್ಕಿಹಾಕಿಕೊಳ್ಳುವಂತಾಗಿತ್ತು.