Advertisement

ಭಟ್ಕಳ ಮುಂಡಳ್ಳಿಯಲ್ಲಿ ಕುಸಿದು ಬಿದ್ದ ಶಾಲೆಯ ಗೋಡೆ : ತಪ್ಪಿದ ಭಾರಿ ದುರಂತ

01:13 PM Aug 07, 2022 | Team Udayavani |

ಭಟ್ಕಳ: ತಾಲೂಕಿನಲ್ಲಿ ಕಂಡು ಕೇಳರಿಯದ ಭೀಕರ ನೆರೆಯಿಂದ ಸಂಪೂರ್ಣ ಮುಂಡಳ್ಳಿಯೇ ಮುಳುಗಿ ಭಾರೀ ಹಾನಿಯಾಗಿರುವ ಬೆನ್ನಲ್ಲಿಯೇ ಮುಂಡಳ್ಳಿಯಲ್ಲಿರುವ ನಂ.1 ಶಾಲೆಯ ಗೋಡೆಯೊಂದು ಕುಸಿದು ಹಾನಿಯಾಗಿರುವ ಘಟನೆ ಸಂಭವಿಸಿದೆ.

Advertisement

ಮುಂಡಳ್ಳಿ ಮುಖ್ಯ ರಸ್ತೆಯಲ್ಲಿರುವ ಮುಂಡಳ್ಳಿ ನಂ.1 ಶಾಲೆಯ ಕೋಣೆಯ ಗೋಡೆಗಳು ತುಂಬಾ ಹಳೆಯವಾಗಿದ್ದು, ಮಣ್ಣು ಹಾಗೂ ಕಲ್ಲಿನಿಂದ ಕಟ್ಟಿದ ಗೋಡೆಯಾಗಿತ್ತು. ಇದು ಆ.3ರಂದು ರಾತ್ರಿ ಸುರಿದ ಮಳೆಗೆ ಆ. 7ರಂದು ಬೆಳಿಗ್ಗೆಯ 7 ಗಂಟೆಯ ಸುಮಾರಿಗೆ ಕುಸಿದು ಬಿದ್ದು ಇನ್ನೊಂದು ಕೊಠಡಿಯ ಗೋಡೆಗೂ ಕೂಡಾ ಹಾನಿಯಾಗಿದೆ.

ಒಟ್ಟು ಎರಡು ಕೊಠಡಿಗಳಿಗೆ ಹಾನಿಯಾಗಿದ್ದು ರವಿವಾರ ಹಾಗೂ ಬೆಳಗಿನ ಸಮಯವಾದ್ದರಿಂದ ಯಾವುದೇ ಅನಾಹುತ ಸಂಭವಿಸಿಲ್ಲ. ಮಂಗಳೂರು ಹಂಚಿನ ಮೇಲ್ಚಾವಣಿಯಾಗಿದ್ದು ಮೇಲ್ಚಾವಣಿಯು ಸಂಪೂರ್ಣ ಬಿದ್ದು ಹೋಗಿದ್ದು ಹಂಚುಗಳು ಒಡೆದು ಚೂರಾಗಿದೆ.

ಒಟ್ಟಾರೆ ಮಳೆಯು ನಿಂತರೂ ಸಹ ಹಾನಿ ತಪ್ಪಿಲ್ಲ ಎನ್ನುವಂತಾಗಿದೆ ಭಟ್ಕಳದವರ ಪರಿಸ್ಥಿತಿ.

ಇದನ್ನೂ ಓದಿ : ಪ.ಬಂಗಾಳದಲ್ಲಿ ಕೆಲಸ ಮಾಡುತ್ತಿದ್ದ ಬೀದರ್ ಮೂಲದ ಬಿಎಸ್ಎಫ್ ಯೋಧ ಸಾವು

Advertisement

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next