ಕೊರಟಗೆರೆ: ಕೋಳಾಲ ಗ್ರಾಮ ಪಂಚಾಯಿತಿ ಉಪಾಧ್ಯಕ್ಷರಾಗಿ ಸಾವಿತ್ರಿ ಮುತ್ತರಾಜು ಅವಿರೋಧವಾಗಿ ಆಯ್ಕೆಯಾದರು.
ಕೋಳಾಲ ಗ್ರಾಮ ಪಂಚಾಯತ್ ಉಪಾಧ್ಯಕ್ಷರ ಸ್ಥಾನ ಬಿಸಿಎಂ ಮಹಿಳಾ ಸ್ಥಾನಕ್ಕೆ ಮೀಸಲಿದ್ದು, ಈ ಹಿಂದಿನ ಉಪಾಧ್ಯಕ್ಷರ 15 ತಿಂಗಳುಗಳ ಮಾತುಕತೆ ಅನ್ವಯ ರಾಜೀನಾಮೆ ಸಲ್ಲಿಸಿದ ಬಳಿಕ ಚುನಾವಣೆ ನಡೆದು ಪವಿತ್ರ ಮುತ್ತರಾಜು ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ.
ಪವಿತ್ರ ಮುತ್ತರಾಜು ಪರವಾಗಿ 16 ಸದಸ್ಯರುಗಳ ಪೈಕಿ 12 ಸದಸ್ಯರುಗಳಿಗೆ ಒಟ್ಟೊಟ್ಟಿಗೆ ಶಕ್ತಿ ಪ್ರದರ್ಶನ ಮಾಡಿ ಯಾರೊಬ್ಬರೂ ಅರ್ಜಿ ಸಲ್ಲಿಸದ ರೀತಿಯಲ್ಲಿ ವಾತಾವರಣ ಸೃಷ್ಟಿಸಿ ಪವಿತ್ರ ಮುತ್ತರಾಜು ಅವರನ್ನ ಅಧ್ಯಕ್ಷರನ್ನಾಗಿ ಅವಿರೋಧವಾಗಿ ಆಯ್ಕೆ ಮಾಡಲು ಶ್ರಮವಹಿಸಿದರು ಎನ್ನಲಾಗಿದೆ.
ಈ ಸಂದರ್ಭದಲ್ಲಿ ಉಪಾಧ್ಯಕ್ಷರಾಗಿ ಆಯ್ಕೆಯಾದ ಪವಿತ್ರ ಮುತ್ತುರಾಜು ಮಾತನಾಡಿ ಗ್ರಾಮ ಪಂಚಾಯಿತಿ ಅಭಿವೃದ್ಧಿ ದೃಷ್ಟಿಯಿಂದ ಪಕ್ಷಾತೀತವಾಗಿ ಎಲ್ಲಾ ಸದಸ್ಯರುಗಳನ್ನು ಗಣನೆಗೆ ತೆಗೆದುಕೊಂಡು ಗ್ರಾಮ ಪಂಚಾಯತಿಯ ಸರ್ವತೋಮುಖ ಅಭಿವೃದ್ಧಿಗೆ ಶ್ರಮಿಸುವುದಾಗಿ ಅಭಿಪ್ರಾಯಪಟ್ಟರು.
ಈ ಸಂದರ್ಭದಲ್ಲಿ ಗ್ರಾಪಂ ಅಧ್ಯಕ್ಷ ರಾದ ಕಮಲಮ್ಮ ಕರಿಯಪ್ಪ, ಸದಸ್ಯರಾದ ಶ್ರೀನಿವಾಸಮೂರ್ತಿ ಕೆಜಿ, ಮಹೇಶ್ ನಾಯಕ್, ಜಗದಾಂಬ ಹನುಮೇಶ್, ವಿಜಯಲಕ್ಷ್ಮಿ ನರಸಿಂಹಮೂರ್ತಿ, ಗಾಯತ್ರಿ ಮಂಜುನಾಥ್, ನಾಗರಾಜು ಚೌಡಪ್ಪ ಹನುಮಂತರಾಯಪ್ಪ ,ಪುಷ್ಪ ರಂಗಶಾಮಯ್ಯ, ಲಕ್ಷ್ಮಮ್ಮ ಚಿಕ್ಕರಾಮಯ್ಯ ಉಪಸ್ಥಿತರಿದ್ದರು.
