ಕ್ಷುದ್ರಗ್ರಹವೊಂದರ ಅವಶೇಷವನ್ನು ಹೊತ್ತು ಭೂಮಿಯತ್ತ ಮರಳುತ್ತಿದೆ ಒಸಿರಿಸ್‌-ರೆಕ್ಸ್‌

ಕೇಪ್‌ ಕೆನಾವರೆಲ್‌: ಕ್ಷುದ್ರಗ್ರಹವೊಂದರ ಅವಶೇಷವನ್ನು ಹೊತ್ತುಕೊಂಡು ನಾಸಾದ ಬಾಹ್ಯಾಕಾಶನೌಕೆಯು ಭೂಮಿಯತ್ತ ಪ್ರಯಾಣ ಆರಂಭಿಸಿದೆ.

ಒಸಿರಿಸ್‌-ರೆಕ್ಸ್‌ ಬಾಹ್ಯಾಕಾಶ ನೌಕೆ ಭೂಮಿ ತಲುಪಲು ಇನ್ನು 2 ವರ್ಷಗಳು ಬೇಕು. 2018ರಲ್ಲಿ ಈ ನೌಕೆಯು “ಬೆನ್ನು’ ಎಂಬ ಹೆಸರಿನ ಕ್ಷುದ್ರಗ್ರಹವನ್ನು ತಲುಪಿತ್ತು. ಅನಂತರ ಎರಡು ವರ್ಷಗಳ ಕಾಲ ಆ ಕ್ಷುದ್ರಗ್ರಹದ ಸುತ್ತಲೂ ಹಾರುತ್ತಾ, ಕೊನೆಗೆ ಅದರ ಮೇಲ್ಮೆ„ನಲ್ಲಿನ ಅವಶೇಷವೊಂದನ್ನು ಸಂಗ್ರಹಿಸಿತ್ತು. ಈ ಅವಶೇಷವು ಸುಮಾರು 200 ಗ್ರಾಂ.ನಿಂದ 400 ಗ್ರಾಂ. ತೂಕ ಹೊಂದಿದೆ ಎಂದು ಅಂದಾಜಿಸಲಾಗಿದೆ.

ಈಗ ಅವಶೇಷವನ್ನು ತನ್ನೊಂದಿಗೆ ಹೊತ್ತು ಒಸಿರಿಸ್‌-ರೆಕ್ಸ್‌ ನೌಕೆಯು ಭೂಮಿಯತ್ತ ಪಯಣ ಶುರು ಮಾಡಿದ್ದು, ಈಗಾಗಲೇ ಕ್ಷುದ್ರಗ್ರಹದಿಂದ 300 ಕಿ.ಮೀ. ದೂರ ತಲುಪಿದೆ ಎಂದು ನಾಸಾ ವಿಜ್ಞಾನಿಗಳು ಹೇಳಿದ್ದಾರೆ.