ಉಡುಪಿ ಶ್ರೀಕೃಷ್ಣ ಮಠದಲ್ಲಿ ಸಂಭ್ರಮದ ಸಪ್ತೋತ್ಸವಕ್ಕೆ ಚಾಲನೆ

ಉಡುಪಿ: ಶ್ರೀಕೃಷ್ಣ ಮಠದಲ್ಲಿ ಶನಿವಾರ ವಾರ್ಷಿಕ ಸಪೊ¤àತ್ಸವವು ಪರ್ಯಾಯ ಅದಮಾರು ಮಠದ ಶ್ರೀ  ವಿಶ್ವಪ್ರಿಯತೀರ್ಥ ಶ್ರೀಪಾದರು, ಪರ್ಯಾಯ ಪೀಠಸ್ಥ ಶ್ರೀ ಈಶಪ್ರಿಯ  ತೀರ್ಥರ ನೇತೃತ್ವದಲ್ಲಿ ಆರಂಭಗೊಂಡಿತು.

ಓಲಿ ಕೊಡೆ ಬಳಕೆ :

ಮೊದಲು ತೆಪ್ಪೋತ್ಸವ ನಡೆಯಿತು. ಈ ಬಾರಿ ತೆಪ್ಪವನ್ನು ಬಿದಿರಿನಿಂದ ಅಲಂಕರಿಸ

ಲಾಗಿತ್ತು. ಬಳಿಕ 2 ರಥಗಳ ಉತ್ಸವ ನಡೆಯಿತು. ಒಂದು ರಥದಲ್ಲಿ ಶ್ರೀಕೃಷ್ಣ – ಮುಖ್ಯಪ್ರಾಣ, ಇನ್ನೊಂದರಲ್ಲಿ ಅನಂತೇಶ್ವರ ಮತ್ತು ಚಂದ್ರಮೌಳೀಶ್ವರ ದೇವಸ್ಥಾನಗಳ ಉತ್ಸವ ಮೂರ್ತಿಗಳನ್ನು ಇರಿಸಿ ಪೂಜಿಸಲಾಯಿತು. ಕೃಷ್ಣಾಪುರ, ಪಲಿಮಾರು ಹಿರಿಯ, ಕಿರಿಯ, ಸೋದೆ, ಕಾಣಿಯೂರು ಶ್ರೀಗಳು ಪಾಲ್ಗೊಂಡರು. ಮಳೆ ಬಂದ ಕಾರಣ ಸ್ವಾಮೀಜಿಯವರು ಓಲಿ ಕೊಡೆ ಹಿಡಿಯಬೇಕಾಯಿತು.

ಉದ್ಘಾಟನೆ :

ರಾಜಾಂಗಣದಲ್ಲಿ ಸಪ್ತೋತ್ಸವದ ವಿವಿಧ ಕಾರ್ಯಕ್ರಮಗಳನ್ನು ಪರ್ಯಾಯ ಶ್ರೀ ಈಶಪ್ರಿಯತೀರ್ಥರು, ಪಲಿಮಾರು ಮಠದ ಶ್ರೀ ವಿದ್ಯಾಧೀಶತೀರ್ಥ ಶ್ರೀಪಾದರು ಉದ್ಘಾಟಿಸಿದರು. ಸಚಿವ ಕೋಟ ಶ್ರೀನಿವಾಸ ಪೂಜಾರಿ, ಸಂಸದೆ ಶೋಭಾ ಕರಂದ್ಲಾಜೆ, ಶಾಸಕ ಕೆ. ರಘುಪತಿ ಭಟ್‌, ನಗರಸಭಾಧ್ಯಕ್ಷೆ ಸುಮಿತ್ರಾ ನಾಯಕ್‌ ಉಪಸ್ಥಿತರಿದ್ದರು.

ಪಂಚ ಶತಮಾನೋತ್ಸವ :

ಜ. 16ರಿಂದ ದ್ವೆ„ವಾರ್ಷಿಕ ಪರ್ಯಾಯ ಪದ್ಧತಿಯ 500ನೇ ವರ್ಷಾಚರಣೆ ಉದ್ಘಾಟನೆ ಜರಗಲಿದೆ.

 

• ನೂತನ ಮಾರ್ಗ ಇಂದಿನಿಂದ ಶ್ರೀಕೃಷ್ಣ ಮಠದಲ್ಲಿ ಭಕ್ತರು ದೇವರ ದರ್ಶನ ಮಾಡುವ ಮಾರ್ಗದಲ್ಲಿ ಮಾರ್ಪಾಟು ಮಾಡಿದ್ದು ಜ. 10ರಿಂದ ಆರಂಭವಾಗಲಿದೆ.
• ಭೋಜನ ಪ್ರಸಾದ ಆರಂಭ ಶನಿವಾರ ಏಕಾದಶಿಯಾದ ಕಾರಣ ರವಿವಾರದಿಂದ (ಜ. 10) ಭೋಜನ ಪ್ರಸಾದ ಪುನಃ ಆರಂಭವಾಗಲಿದೆ.
• ಜ. 14: ಮಕರಸಂಕ್ರಾಂತಿ ಉತ್ಸವ, ಸ್ವರ್ಣ ಛತ್ರ ಸಮರ್ಪಣೆ
• ಜ. 14 ಮಕರಸಂಕ್ರಾಂತಿಯಂದು ಮೂರು ರಥಗಳ ಉತ್ಸವ ಜರಗಲಿದೆ. ಈ ಹಿಂದೆ ಶಿಥಿಲಗೊಂಡಿದ್ದ ಸ್ವರ್ಣ ಛತ್ರವನ್ನು ದುರಸ್ತಿಗೊಳಿಸಿ ನವೀಕರಿಸಿದ್ದು ಇದರ ಸಮರ್ಪಣೆ ಮಕರಸಂಕ್ರಾಂತಿಯಂದು ನಡೆಯಲಿದೆ. ಜ. 15ರಂದು ಹಗಲು ಉತ್ಸವ ಚೂರ್ಣೋತ್ಸವ ಜರುಗಲಿದೆ.