Santosh Trophy ಫುಟ್‌ಬಾಲ್‌: ಕ್ವಾರ್ಟರ್‌ ಫೈನಲ್‌ಗೆ ಮಿಜೋರಂ

ಇಟಾನಗರ್: ‘ಸಂತೋಷ್‌ ಟ್ರೋಫಿ’ ಫುಟ್‌ಬಾಲ್‌ ಪಂದ್ಯಾವಳಿಯಲ್ಲಿ ರೈಲ್ವೇಸ್‌ ವಿರುದ್ಧ 4-0 ಗೆಲುವು ಸಾಧಿಸಿದ ಮಿಜೋರಂ ‘ಬಿ’ ವಿಭಾಗದಿಂದ ಕ್ವಾರ್ಟರ್‌ ಫೈನಲ್‌ ತಲುಪಿದೆ.

ಮಣಿಪುರ, ದಿಲ್ಲಿ ಮತ್ತು ರೈಲ್ವೇಸ್‌ ಈಗಾಗಲೇ “ಬಿ’ ವಿಭಾಗದಿಂದ ಕ್ವಾರ್ಟರ್‌ ಫೈನಲ್‌ ತಲುಪಿದ್ದವು. ಉಳಿದೊಂದು ಸ್ಥಾನಕ್ಕಾಗಿ ಮಿಜೋರಂ, ಮಹಾರಾಷ್ಟ್ರ ಮತ್ತು ಕರ್ನಾಟಕ ನಡುವೆ ಪೈಪೋಟಿ ಇದ್ದಿತ್ತು. ಈ ಅದೃಷ್ಟ ಮಿಜೋರಂನದ್ದಾಯಿತು.

ಮಾ. 4ರಂದು ನಡೆಯುವ ಮೊದಲ ಕ್ವಾರ್ಟರ್‌ ಫೈನಲ್‌ನಲ್ಲಿ ಸರ್ವೀಸಸ್‌-ರೈಲ್ವೇಸ್‌, ಬಳಿಕ ಗೋವಾ-ದಿಲ್ಲಿ ಮುಖಾಮುಖಿ ಆಗಲಿವೆ. ಮಾ. 5ರಂದು ಮಣಿಪುರ-ಅಸ್ಸಾಮ್‌ ಹಾಗೂ ಮಿಜೋರಂ-ಕೇರಳ ಎದುರಾಗಲಿವೆ.