ಸಂತೋಷ್‌ ಟ್ರೋಫಿ ಫುಟ್ ಬಾಲ್‌: ಫೈನಲ್‌ ಹಂತಕ್ಕೇರಿದ ಕರ್ನಾಟಕ

ಬೆಂಗಳೂರು: ಕರ್ನಾಟಕ ಫುಟ್ ಬಾಲ್ ತಂಡವು 47 ವರ್ಷಗಳ ಅನಂತರ ಸಂತೋಷ್‌ ಟ್ರೋಫಿ ಕೂಟದ ಫೈನಲ್‌ಗೇರಿದೆ.

ಸೌದಿ ಅರೇಬಿಯಾದ ರಿಯಾದ್‌ನಲ್ಲಿ ನಡೆದ ಸೆಮಿಫೈನಲ್‌ ಪಂದ್ಯದಲ್ಲಿ ಕರ್ನಾಟಕ ತಂಡವು ಪ್ರಬಲ ಸರ್ವೀಸಸ್‌ ತಂಡವನ್ನು 3-1 ಗೋಲುಗಳಿಂದ ಮಣಿಸಿದೆ. ಈ ಐತಿಹಾಸಿಕ ಸಾಧನೆಗಾಗಿ ಕರ್ನಾಟಕ ತಂಡವನ್ನು ರಾಜ್ಯ ಕ್ರೀಡಾ ಸಚಿವ ಡಾ| ಕೆ.ಸಿ. ನಾರಾಯಣ ಗೌಡ ಅಭಿನಂದಿಸಿದ್ದಾರೆ. 1975-76ರಲ್ಲಿ ಕರ್ನಾಟಕ ಕೊನೆಯ ಬಾರಿಗೆ ಫೈನಲ್‌ಗೇರಿತ್ತು. ಅದಕ್ಕೂ ಮುನ್ನ 1968-69ರಲ್ಲಿ ತಂಡ ಪ್ರಶಸ್ತಿಯನ್ನೇ ಗೆದ್ದಿತ್ತು. ಅಂತಿಮ ಪಂದ್ಯವೂ ರಿಯಾದ್‌ನಲ್ಲಿ ಶುಕ್ರವಾರ ನಡೆಯಲಿದೆ. ಕರ್ನಾಟಕ ಮತ್ತು ಮೇಘಾಲಯ ಪರಸ್ಪರ ಎದುರಾಗಲಿವೆ.