ಸಾನಿಯಾ ಜೋಡಿಗೆ ಫೈನಲ್‌ನಲ್ಲಿ ಸೋಲು

ಹೊಸದಿಲ್ಲಿ: ಭಾರತದ ಸಾನಿಯಾ ಮಿರ್ಜಾ ಮತ್ತು ಬಾರ್ಬೊರಾ ಸ್ಟ್ರೈಕೋವಾ ಅವರು ಮಯಾಮಿ ಓಪನ್‌ ಟೆನಿಸ್‌ ಕೂಟದ ವನಿತೆಯರ ಡಬಲ್ಸ್‌ನಲ್ಲಿ ಪ್ರಶಸ್ತಿ ಗೆಲ್ಲಲು ವಿಫ‌ಲರಾಗಿದ್ದಾರೆ. 

ಫೈನಲ್‌ ಹೋರಾಟದಲ್ಲಿ ಸಾನಿಯಾ-ಸ್ಟ್ರೈಕೋವಾ ಅವರು ಗ್ಯಾಬ್ರಿಯೆಲಾ ದಾರ್ಬೊವಿಸ್ಕಿ ಮತ್ತು ಕ್ಸು ಯಿಫಾನ್‌ ಅವರಿಗೆ 46, 3-6 ನೇರ ಸೆಟ್‌ಗಳಿಂದ ಶರಣಾದರು. 

ಸಿಡ್ನಿ ಇಂಟರ್‌ನ್ಯಾಶನಲ್‌ ಟೆನಿಸ್‌ ಕೂಟದಲ್ಲಿ ರನ್ನರ್‌ ಅಪ್‌ ಸ್ಥಾನ ಪಡೆದಿದ್ದ ಸಾನಿಯಾ-ಸ್ಟ್ರೈಕೋವಾ ಅವರಿಗಿದು 2017ರ ಎರಡನೇ ಫೈನಲ್‌ ಆಗಿತ್ತು. ಸಾನಿಯಾ ಈ ಋತುವಿನ ಎರಡನೇ ಪ್ರಶಸ್ತಿ ಗೆಲುವಿನ ನಿರೀಕ್ಷೆಯಲ್ಲಿದ್ದರು. ಆದರೆ ನಿರೀಕ್ಷಿತ ಹೋರಾಟ ನೀಡಲು ಸಾಧ್ಯವಾಗಲಿಲ್ಲ.