ಗಾಯ, ಇನ್ನೂ ಚೇತರಿಸಿಕೊಳ್ಳದ ಸಾನಿಯಾ, ಇನ್ನೆರಡು ತಿಂಗಳು ಔಟ್‌

ನವದೆಹಲಿ: ಟೆನಿಸ್‌ ಆಟಗಾರ್ತಿ ಸಾನಿಯಾ ಮಿರ್ಜಾ ಗಾಯದ ಕಾರಣದಿಂದ ಇತ್ತೀಚೆಗೆ ಪ್ರಮುಖ ಕೂಟಗಳಿಂದ ಹಿಂದಕ್ಕೆ ಸರಿದಿದ್ದರು. ಆಸ್ಟ್ರೇಲಿಯಾ ಓಪನ್‌ನಲ್ಲೂ ಪಾಲ್ಗೊಂಡಿರಲಿಲ್ಲ. ಬಲ ಮೊಣಕಾಲಿನ ಗಾಯದಿಂದ ಅವರು ಬಳಲುತ್ತಿದ್ದಾರೆ. 6 ಬಾರಿ ಗ್ರ್ಯಾನ್‌ ಸ್ಲಾಮ್‌ ಡಬಲ್ಸ್‌ ಪ್ರಶಸ್ತಿ ವಿಜೇತೆ ಅಕ್ಟೋಬರ್‌ 2017ರಿಂದ ಯಾವುದೇ ಪ್ರಮುಖ ಕೂಟ ಆಡಿಲ್ಲ. ಇದೀಗ 31 ವರ್ಷ ಸಾನಿಯಾ ಗಾಯದಿಂದ ಇನ್ನೂ ಚೇತರಿಸಿಕೊಂಡಿಲ್ಲ. ಇನ್ನೆರಡು ತಿಂಗಳು ಕೂಟದಲ್ಲಿ ಭಾಗವಹಿಸುವುದಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ.