ಕೋವಿಡ್ : ಕೀಟನಾಶಕ ಸಿಂಪಡಣೆ

ಸಂಡೂರು: ತಾಲೂಕಿನ ಕೃಷ್ಣಾನಗರದಲ್ಲಿ ಕೋವಿಡ್ ಪೀಡಿತರು ಪತ್ತೆಯದ ಹಿನ್ನೆಲೆಯಲ್ಲಿ ಪುರಸಭೆ ಮುಖ್ಯಾಧಿಕಾರಿ ಸತ್ಯನಾರಾಯಣರಾವ್‌ ನೇತೃತ್ವದಲ್ಲಿ ಇಡೀ ಸಿಬ್ಬಂದಿ ಸ್ವಚ್ಛತಾ ಕಾರ್ಯ ಹಾಗೂ ಕೋವಿಡ್ ತಡೆಯುವ ಕಾರ್ಯಕ್ಕೆ ಮುಂದಾದರು.

ಮುಖ್ಯಾಧಿಕಾರಿ ಸತ್ಯನಾರಾಯಣ ರಾವ್‌ ಮಾತನಾಡಿ, ಸೀಲ್‌ ಡೌನ್‌ ಹಿನ್ನೆಲೆಯಲ್ಲಿ ಗ್ರಾಮದಲ್ಲಿ ನೀರಿನ ಸಮಸ್ಯೆಯಾಗಲಿ, ಸ್ವಚ್ಛತೆಯ ಸಮಸ್ಯೆಯಾಗಲಿ ಉಂಟಾಗದಂತೆ ನೋಡಿಕೊಳ್ಳಲಾಗುವುದು. ಯಾರೂ ಮನೆಯಿಂದ ಹೊರಬರಬೇಡಿ. ಇಡೀ ಗ್ರಾಮಕ್ಕೆ ಮೊದಲ ಹಂತದಲ್ಲಿ ಫಾಗಿಂಗ್‌ ಮಾಡಿದರು. ಪ್ರತಿ ಓಣಿಯಲ್ಲೂ ಬ್ಲಿಚಿಂಗ್‌ ಪೌಡರ್‌ ಸಿಂಪಡಣೆ ಮಾಡುತ್ತಿದ್ದೇವೆ. ಆದ್ದರಿಂದ ಸಾರ್ವಜನಿಕರು ಸಹಕರಿಸಬೇಕು ಎಂದರು.

ಅಧಿಕಾರಿ ಮಲ್ಲೇಶಪ್ಪ, ಗೀತಾ, ಅನ್ನಪೂರ್ಣ, ಪ್ರಭುರಾಜ ಹಗರಿ, ಇತರ ಸಿಬ್ಬಂದಿ ವಿಶೇಷ ಸಿಂಪಡಣೆ ಯಂತ್ರದೊಂದಿಗೆ ರಕ್ಷಣಾ ಕವಚಗಳನ್ನು ಧರಿಸಿಕೊಂಡು ಪ್ರತಿ ಬೀದಿಯಲ್ಲಿ ಬ್ಲಿಚಿಂಗ್‌ ಪೌಡರ್‌ ಮತ್ತು ಕೀಟನಾಶಕ ಸಿಂಪಡಣೆ ಮಾಡಿದರು.