“ಹೂ ಅಂಟಾವಾ..’ಹಾಡಿನಲ್ಲಿ ನಟಿಸದಂತೆ ಸಲಹೆ ಬಂದಿತ್ತಂತೆ ನಟಿ ಸಮಂತಾಗೆ

“ಪುಷ್ಪ’ ಸಿನಿಮಾದಲ್ಲಿ ಸೆನ್ಸೇಷನಲ್‌ ಹಿಟ್‌ ಆದ “ಹು ಅಂಟಾವಾ ಮಾಮಾ…ಹುಹು ಅಂಟಾವಾ’ ಹಾಡಿಗೆ ಹೆಜ್ಜೆ ಹಾಕದಂತೆ ಹಿತೈಷಿಗಳು ತನಗೆ ಸಲಹೆ ನೀಡಿದ್ದರು ಎಂದು ನಟಿ ಸಮಂತಾ ಹೇಳಿದ್ದಾರೆ.

ಸಂದರ್ಶನವೊಂದರಲ್ಲಿ ಮಾತನಾಡಿರುವ ಅವರು, “ನಾನು ಮತ್ತು ನಾಗಚೈತನ್ಯ ಬಹುತೇಕ ದೂರವಾಗಲು ಯೋಚಿಸಿದ್ದೆವು. ಈ ಸಂದರ್ಭದಲ್ಲಿ “ಪುಷ್ಪ’ ಹಾಡಿನ ಐಟಂ ನಂಬರ್‌ಗೆ ಹೆಜ್ಜೆ ಹಾಕಲು ನನಗೆ ಆಫ‌ರ್‌ ಬಂದಿತ್ತು. ನಾನು ವಿವಾಹ ಸಂಬಂಧದಲ್ಲಿ ನನ್ನ ಶೇ.100ರಷ್ಟು ಅರ್ಪಿಸಿದ್ದೇನೆ. ಆದರೆ ಅದು ಕೂಡಿ ಬರಲಿಲ್ಲ. ಇದಕ್ಕಾಗಿ ಒಳ್ಳೆಯ ಅವಕಾಶ ಕಳೆದುಕೊಳ್ಳುವುದು ಬೇಡ ಎಂದು ತೀರ್ಮಾನಿಸಿ, ಹಾಡಿಗೆ ಹೆಜ್ಜೆ ಹಾಕಿದೆ. ಹಾಡು ಸೂಪರ್‌ ಹಿಟ್‌ ಆಯಿತು,’ ಎಂದು ಹೇಳಿದ್ದಾರೆ.