Salman Khan: ಬುಲೆಟ್‌ ಪ್ರೂಫ್ ಎಸ್‌ಯುವಿ ಖರೀದಿಸಿದ ಸಲ್ಮಾನ್‌

ಮುಂಬೈ:  ಪದೇಪದೆ ಹತ್ಯೆ ಬೆದರಿಕೆ ಕರೆಗಳು ಹಾಗೂ ಇ-ಮೇಲ್‌ಗ‌ಳು ಬರುತ್ತಿರುವ ಹಿನ್ನೆಲೆಯಲ್ಲಿ ಸುರಕ್ಷತೆಗಾಗಿ ಬಾಲಿವುಡ್‌ ನಟ ಸಲ್ಮಾನ್‌ ಖಾನ್‌ ಬುಲೆಟ್‌ ಪ್ರೂಫ್ ಎಸ್‌ಯುವಿ ಕಾರು ಖರೀದಿಸಿದ್ದಾರೆ. ಹೈ-ಎಂಡ್‌ ನಿಸ್ಸಾನ್‌ ಪ್ಯಾಟ್ರೋಲ್‌ ಎಸ್‌ಯುವಿ ಕಾರನ್ನು ಸಲ್ಮಾನ್‌ ಖರೀದಿಸಿದ್ದು, ಇದನ್ನು ವಿದೇಶದಿಂದ ಭಾರತಕ್ಕೆ ತರಲಾಗಿದೆ. ಏಕೆಂದರೆ ಈ ಮಾಡೆಲ್‌ ಭಾರತದಲ್ಲಿ ಲಭ್ಯವಿಲ್ಲ. ಬುಲೆಟ್‌ ಪ್ರೂಫ್ ವ್ಯವಸ್ಥೆ ಸೇರಿದಂತೆ ಎಲ್ಲ ಐಷಾರಾಮಿ ಸೌಲಭ್ಯಗಳನ್ನು ಈ ಕಾರು ಹೊಂದಿದೆ. ಈಗಾಗಲೇ ಮುಂಬೈ ಪೊಲೀಸರು ಸಲ್ಮಾನ್‌ ಖಾನ್‌ ಅವರಿಗೆ ಹೆಚ್ಚಿನ ಭದ್ರತೆ ಒದಗಿಸಿದ್ದಾರೆ. ಬುಲೆಟ್‌ ಪ್ರೂಫ್ ಕಾರಿನಿಂದ ಭದ್ರತೆ ಇನ್ನಷ್ಟು ಅಧಿಕವಾಗಲಿದೆ.