ಸುರಕ್ಷತಾ ನಿರ್ವಹಣೆ: ಎಂಸಿಎಫ್ ಪ್ರಥಮ

ಮಂಗಳೂರು: ರಾಷ್ಟ್ರೀಯ ಸುರಕ್ಷತಾ ದಿನಾಚರಣೆ ಅಂಗವಾಗಿ ಏರ್ಪಡಿಸಲಾಗಿದ್ದ 2018ನೇ ಸಾಲಿನ ರಾಜ್ಯ ಮಟ್ಟದ ಸುರಕ್ಷತಾ ಸ್ಪರ್ಧೆಯ ಬೃಹತ್‌ ಕೈಗಾರಿಕೆ ವಿಭಾಗದಲ್ಲಿ ಮಂಗಳೂರು ಕೆಮಿಕಲ್ಸ್‌ ಫ‌ರ್ಟಿಲೈಸರ್ ಲಿ. (ಎಂಸಿಎಫ್)ಯ ಮಂಗಳೂರು ಕಾರ್ಖಾನೆಗೆ ಸುರಕ್ಷತಾ ನಿರ್ವಹಣೆಯಲ್ಲಿ ಉತ್ತಮ ಸಾಧನೆಗಾಗಿ ಪ್ರಥಮ ಸ್ಥಾನ ಲಭಿಸಿದೆ.

ರಾಜ್ಯದ ಕಾರ್ಖಾನೆಗಳು, ಬಾಯ್ಲರ್‌ಗಳು, ಕೈಗಾರಿಕಾ ಸುರಕ್ಷತೆ ಮತ್ತು ಸ್ವಾಸ್ಥ್ಯ ಇಲಾಖೆಯವರು ತುಮಕೂರು ವಿ.ವಿ.ಯಲ್ಲಿ ಸೋಮವಾರ ಏರ್ಪಡಿಸಿದ ಕಾರ್ಯಕ್ರಮದಲ್ಲಿ ಎಂಸಿಎಫ್ ಮಂಗಳೂರು ಕಾರ್ಖಾನೆಯ ನಿರ್ದೇಶಕ ಕೆ. ಪ್ರಭಾಕರ್‌ ರಾವ್‌, ಜೆಜಿಎಂ ಬಿ. ಕೃಷ್ಣಪ್ಪ ಮತ್ತು ಚೀಫ್‌ ಮ್ಯಾನೇಜರ್‌ ಅರುಣ್‌ ಪ್ರಶಸ್ತಿ ಸ್ವೀಕರಿಸಿದರು.