ಚಾಂಪಿಯನ್ಸ್‌ ಟ್ರೋಫಿಯಲ್ಲಿ ರೋಹಿತ್‌ ಉಪನಾಯಕ?

ಹೊಸದಿಲ್ಲಿ: ಐಪಿಎಲ್‌ನಲ್ಲಿ 3ನೇ ಬಾರಿ ಮುಂಬೈಯನ್ನು ಪಟ್ಟಕ್ಕೇರಿಸಿದ ರೋಹಿತ್‌ ಶರ್ಮ ಅದೃಷ್ಟ ಖುಲಾಯಿಸಿದಂತಿದೆ. ಚಾಂಪಿಯನ್ಸ್‌ ಟ್ರೋಫಿಯಲ್ಲಿ ಭಾರತ ಕ್ರಿಕೆಟ್‌ ತಂಡದ ಉಪನಾಯಕ ಪಟ್ಟವನ್ನು ರೋಹಿತ್‌ ಪಡೆದುಕೊಳ್ಳುವ ಸಾಧ್ಯತೆಯಿದೆ. 

ಇದುವರೆಗೆ ಕೊಹ್ಲಿ ಅನುಪಸ್ಥಿತಿಯಲ್ಲಿ ಅಜಿಂಕ್ಯ ರಹಾನೆ ಆ ಪಾತ್ರವನ್ನು ನಿರ್ವಹಿಸುತ್ತಿದ್ದರು. ಅದರಲ್ಲಿ ಯಶಸ್ವಿಯೂ ಆಗಿದ್ದಾರೆ. ಆದರೂ ರೋಹಿತ್‌ರನ್ನು ಉಪನಾಯಕ ಸ್ಥಾನಕ್ಕೇರಿಸಲು ಬಿಸಿಸಿಐನಲ್ಲಿ ಒಳಗೊಳಗೆ ಸಿದ್ಧತೆ ನಡೆದಿದೆಯೆಂದು ಸುದ್ದಿ ಹರಡಿದೆ. ಇದೇ ಕಾರಣದಿಂದ ಇಬ್ಬರು ಬಿಸಿಸಿಐ ಆಯ್ಕೆಗಾರರು ಇಂಗ್ಲೆಂಡ್‌ಗೆ ತೆರಳಲಿದ್ದಾರೆ ಎನ್ನಲಾಗಿದೆ.