ಪಾಕ್‌ ಪತ್ರಕರ್ತನ ಪ್ರಶ್ನೆಗೆ ರೋಹಿತ್‌ ಹಾಸ್ಯ ಚಟಾಕಿ

ಮ್ಯಾಂಚೆಸ್ಟರ್‌: ಭಾರತದ ಗೆಲುವಿನ ಬಳಿಕ ಪಾಕಿಸ್ಥಾನ ಪತ್ರಕರ್ತರೊಬ್ಬರು ಕೇಳಿದ ಪ್ರಶ್ನೆಗೆ ರೋಹಿತ್‌ ಶರ್ಮ ಹಾಸ್ಯ ಚಟಾಕಿ ಹಾರಿಸಿದ್ದಾರೆ.

“ಪಾಕಿಸ್ಥಾನಿ ಬ್ಯಾಟ್ಸ್‌ಮನ್‌ಗಳಿಗೆ ನೀವು ಯಾವ ಸಲಹೆ ನೀಡಬಲ್ಲಿರಿ?’ ಎಂಬುದು ಆ ಪತ್ರಕರ್ತ ಕೇಳಿದ ಪ್ರಶ್ನೆ.ಇದಕ್ಕೆ ತಮಾಷೆಯಾಗಿ ಪ್ರತಿಕ್ರಿಯಿಸಿದ ರೋಹಿತ್‌ ಶರ್ಮ, “ನಾನು ಪಾಕಿಸ್ಥಾನ ಕ್ರಿಕೆಟ್‌ ತಂಡದ ಕೋಚ್‌ ಆದರೆ ಆಗ ಖಂಡಿತವಾಗಿಯೂ ನಿಮ್ಮ ಈ ಪ್ರಶ್ನೆಗೆ ಉತ್ತರ ನೀಡುತ್ತಿದ್ದೆ. ಈಗ ಏನು ಹೇಳುವುದು…?’ ಎಂದು ನಕ್ಕರು.