ಐತಿಹಾಸಿಕ ಪುರಿ ಜಗನ್ನಾಥ ದೇಗುಲಕ್ಕೆ ಇಲಿಗಳ ಕಾಟ !

ಭುವನೇಶ್ವರ: ಐತಿಹಾಸಿಕ ಪುರಿ ಜಗನ್ನಾಥ ದೇಗುಲದಲ್ಲಿ ಇಲಿಗಳ ಕಾಟ ಹೆಚ್ಚಿದ್ದು, ಜಗನ್ನಾಥ, ಬಲಭದ್ರ, ಸುಭದ್ರ ದೇವಿಯ ಉಡುಪುಗಳನ್ನು ಇಲಿಗಳು ಹಾಳುಗೆಡವುತ್ತಿವೆ ಎಂದು ಆಡಳಿತ ಮಂಡಳಿ ಆತಂಕ ವ್ಯಕ್ತಪಡಿಸಿದೆ.

ದೇವತೆಗಳ ವಿಗ್ರಹಗಳನ್ನು ಮರಗಳಿಂದ ಮಾಡಲಾಗಿದ್ದು, ಇಲಿಗಳ ಗುಂಪು, ವಿಗ್ರಹಗಳ ಮುಖವನ್ನು ಹಾಳುಗೆಡವುತ್ತಿವೆ.

ದೇವತೆಗಳ ಹಾರ, ವಸ್ತ್ರಗಳನ್ನು ಕಚ್ಚಿಹಾಕಿದ್ದು, ದೇಗುಲದ ತುಂಬಾ ಹಿಕ್ಕೆ ಹಾಕಿವೆ.

ಇದರಿಂದ ಪೂಜಾ ಕಾರ್ಯಗಳಿಗೆ ತೀವ್ರ ತೊಂದರೆಯಾಗುತ್ತಿದೆ ಎಂದೂ ಆಡಳಿತ ಮಂಡಳಿ ಹೇಳಿದೆ.