20 ವರ್ಷಗಳ ನಂತರ ಸಿಕ್ಕಿಬಿದ್ದ ಕೊಲೆಗಾರ

ಲಂಡನ್‌: 20 ವರ್ಷಗಳ ಹಿಂದೆ, 86 ವರ್ಷದ ವೃದ್ಧೆಯ ಸಾವಿಗೆ ಕಾರಣವಾಗಿದ್ದ ಅಪರಾಧಿಯೊಬ್ಬ ಇದೀಗ ಸಿಕ್ಕಿಬಿದ್ದಿದ್ದಾನೆ.

2001ರಲ್ಲಿ ಲಂಡನ್‌ನ ಬ್ರಿಕ್ಸ್ಟನ್ ನಗರದಲ್ಲಿ ಸ್ವತಂತ್ರವಾಗಿ ವಾಸವಿದ್ದ ವೃದ್ಧೆ ಹಿಲ್ದಾ ಲಾಕರ್ಟ್‌ ಅವರನ್ನು ಜೂನಿಯರ್‌ ಯಂಗ್‌(39) ಎಂಬಾತ ಅವರ ಮನೆಯ ಎದುರೇ ದರೋಡೆ ಮಾಡಿದ್ದ. ಈ ಸಂದರ್ಭದಲ್ಲಿ ಅವರನ್ನು ತಳ್ಳಿ, ಕೆಳಗೆ ಬೀಳಿಸಿದ್ದರಿಂದ ಸಾವನ್ನಪ್ಪಿದ್ದರು.

ಡಿಎನ್‌ಎ ಅಂಶಗಳನ್ನು ಪರಿಶೀಲಿಸಿ, ಜೂನಿಯರ್‌ ಯಂಗ್‌ನನ್ನು ಬಂಧಿಸಲಾಗಿತ್ತು.

ಆದರೆ ಡಿಎನ್‌ಎ ಹೊಂದಾಣಿಕೆ ಸರಿಯಾಗದ್ದರಿಂದ ಬಂಧಿತ ಯಂಗ್‌ನನ್ನು ಬಿಡುಗಡೆ ಮಾಡಲಾಗಿತ್ತು.

2015ರಲ್ಲಿ ಈ ಪ್ರಕರಣವನ್ನು ಮತ್ತೆ ಕೈಗೆತ್ತಿಕೊಂಡು, ಡಿಎನ್‌ಎ ಪರೀಕ್ಷೆ ಮಾಡಲಾಯಿತು. ವೃದ್ಧೆಯ ಹತ್ಯೆಗೆ ಯಂಗ್‌ನೇ ನಿಜವಾದ ಅಪರಾಧಿಯೆಂದು ಈಗ ಸಾಬೀತಾಗಿದೆ.

ಇದನ್ನೂ ಓದಿ:ಹಾನಿಗೊಂಡ ಮಟ್ಟುಗುಳ್ಳ ಕೃಷಿ ಕ್ಷೇತ್ರಕ್ಕೆ ಉಡುಪಿ ಜಿಲ್ಲಾಧಿಕಾರಿ ಭೇಟಿ, ಪರಿಶೀಲನೆ