ರಸ್ತೆ ಸೌಲಭ್ಯವಿಲ್ಲದೆ ರೋಗಿಯನ್ನು ಜೋಳಿಗೆಯಲ್ಲೇ ಹೊತ್ತು ನಡೆದ ಗ್ರಾಮಸ್ಥರು

ಕಳಸ ಸಮೀಪದ ಕಳಕೋಡಿನಿಂದ ಈಚಲುಹೊಳೆಗೆ ಸಾಗಲು ರಸ್ತೆ ಸೌಕರ್ಯವಿಲ್ಲದೇ ರೋಗಿಯೊಬ್ಬರನ್ನು ಹೊತ್ತು ಸಾಗಿಸಿದ ಘಟನೆ ಮಂಗಳವಾರ ನಡೆದಿದೆ. ಕಳಕೋಡಿನ ಈಚಲುಹೊಳೆಯಲ್ಲಿ ಸುಮಾರು 5 ಮನೆಗಳಿದ್ದು ಸುಮಾರು 30 ಜನಸಂಖ್ಯೆ ಇದೆ. ಗ್ರಾಮಕ್ಕೆ ಸಾಗುವ ರಸ್ತೆ ಅಭಿವೃದ್ದಿಯಾಗದೇ ಇರುವುದರಿಂದ ಇಲ್ಲಿನ ಗ್ರಾಮಸ್ಥರು ತುರ್ತು ಸಂದರ್ಭದಲ್ಲಿ ತೊಂದರೆ ಅನುಭವಿಸುವಂತಾಗಿದೆ.‌ಸಂಬಂಧಪಟ್ಟ ಜನಪ್ರತಿನಿಧಿಗಳು, ಅಧುಕಾರಿಗಳು ರಸ್ತೆ ಅಭಿವೃದ್ದಿ ಮಾಡಬೇಕು ಎಂದು ಗ್ರಾಮಸ್ಥರು ಒತ್ತಾಯಿಸಿದ್ದಾರೆ.