Road Mishap ಬಸ್‌ ಢಿಕ್ಕಿ: ಸ್ಕೂಟರ್‌ ಸವಾರ ಸಾವು

ಉಡುಪಿ: ಸ್ಕೂಟರ್‌ಗೆ ಬಸ್‌ ಢಿಕ್ಕಿ ಹೊಡೆದು ಸವಾರ ಸ್ಥಳದಲ್ಲಿಯೇ ಸಾವನ್ನಪ್ಪಿದ ಘಟನೆ ಸಂಭವಿಸಿದೆ.

ಬಸ್‌ ಚಾಲಕ ನೀಲಪ್ಪ ಮಲ್ಪೆ ಕಡೆಗೆ ಅತೀವೇಗದಿಂದ ತನ್ನ ಬಸ್‌ ಅನ್ನು ಚಲಾಯಿಸುತ್ತಿದ್ದ ವೇಳೆ ಉಡುಪಿ ಕಡೆಗೆ ಬರುತ್ತಿದ್ದ ಸ್ಕೂಟರ್‌ನ ಮುಂಭಾಗ ಸವರಿಕೊಂಡು ಹೋಯಿತು.

ಈ ವೇಳೆ ಸ್ಕೂಟರ್‌ ಮಗುಚಿ ಬಿದ್ದಿದ್ದು ಸವಾರ ಮೋಕಿಮ್‌ ಅನ್ಸಾರಿ ಅವರ ತಲೆಯು ಬಸ್‌ನ ಹಿಂಭಾಗದ ಟಯರ್‌ ಅಡಿಗೆ ಬಿದ್ದು ಗಂಭೀರ ಗಾಯಗೊಂಡು ಸ್ಥಳದಲ್ಲಿಯೇ ಮೃತಪಟ್ಟರು. ಸಹಸವಾರ ಮುಶರಫ್ ಅವರಿಗೆ ತರಚಿದ ಗಾಯಗಳಾಗಿವೆ. ಸಂಚಾರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.