ಸ್ವಚ್ಛ ಭಾರತ ಸೆಸ್‌ನಿಂದ ರೈಲ್ವೇಗೆ 200ರೂ ಕೋಟಿ

ಹೊಸದಿಲ್ಲಿ: ಕಳೆದ ಮೂರು ವರ್ಷಗಳ ಅವಧಿಯಲ್ಲಿ ಸ್ವಚ್ಛ ಭಾರತ ಸೆಸ್‌ನಿಂದ 200 ಕೋಟಿ ರೂ.ಗೂ ಹೆಚ್ಚುವರಿಯಾಗಿ ಸಂಪನ್ಮೂಲ ಸಂಗ್ರಹಿಸಲಾಗಿದೆ. ಆದರೆ ಈ ಹಣವನ್ನು ಹೇಗೆ ಉಪಯೋಗಿಸಿಕೊಳ್ಳಬೇಕು ಎನ್ನುವುದರ ಬಗ್ಗೆ ಇನ್ನೂ ಯಾವುದೇ ಸ್ಪಷ್ಟ ಯೋಜನೆಗಳು ಇಲ್ಲವಾದ ಹಿನ್ನೆಲೆಯಲ್ಲಿ ಹಣಕಾಸು ಸಚಿವಾಲಯಕ್ಕೆ ಹಿಂದಿರುಗಿಸ ಲಾಗಿದೆ ಕೇಂದ್ರ ರೈಲ್ವೆ ಖಾತೆ ಸಹಾಯಕ ಸಚಿವ ರಾಜೆನ್‌ ಗೊಹೈನ್‌ ರಾಜ್ಯಸಭೆಗೆ ತಿಳಿಸಿದ್ದಾರೆ. 

ಆದಾಯ ಹೆಚ್ಚಳಕ್ಕೆ ಗಣಿತ ಸೂತ್ರ: ಈ ನಡುವೆ, ಪ್ಯಾಸೆಂಜರ್‌ ರೈಲುಗಳ ಆದಾಯ ಹೆಚ್ಚಳಕ್ಕೆ ಗಣಿತ  ಸೂತ್ರ ಬಳಕೆಗೆ ಮುಂದಾಗಿದೆ ರೈಲ್ವೆ ಇಲಾಖೆ. ಲೊಕೊಮೋಟಿವ್‌ ವ್ಯವಸ್ಥೆಯಲ್ಲಿನ ಪ್ರತಿಯೊಂದು ರೈಲುಗಳ ಓಡಾಟ ವ್ಯವಸ್ಥೆಯಲ್ಲಿ ಈ ಸೂತ್ರ ಅಳವಡಿಸಲಾಗುತ್ತದೆ. ಈಗಾಗಲೇ 3,300 ಎಲೆಕ್ಟ್ರಿಕ್‌ ಮತ್ತು ಡೀಸೆಲ್‌ ಲೊಕೋ ಮೋಟಿವ್‌ ಪ್ರಯಾಣಿಕ ರೈಲುಗಳು ದೇಶಾದ್ಯಂತ ಓಡಾಡುತ್ತಿವೆ. ಈಗಾಗಲೇ ರೈಲುಗಳ ಓಡಾಟ ಸಾಕಷ್ಟಿದೆ. ಇದನ್ನಾಧರಿಸಿ ಲೊಕೋ ವ್ಯವಸ್ಥೆಯಲ್ಲಿ ರೈಲುಗಳ ಓಡಾಟ ಹೆಚ್ಚಿಸಿ ಆದಾಯ ದ್ವಿಗುಣಗೊಳಿಸುವುದು ಪ್ರಮುಖ ಉದ್ದೇಶವಾಗಿದೆ.