ಚಿಕ್ಕ ದೋಣಿಯಲ್ಲಿ ಬರುವವರಿಗೆ ಬ್ರಿಟನ್‌ ನಿಷೇಧ

ಲಂಡನ್‌: ಅಕ್ರಮ ವಲಸಿಗರನ್ನು ತಡೆಯುವ ನಿಟ್ಟಿನಲ್ಲಿ ನೂತನ ಕಾನೂನು ಜಾರಿಗೆ ಬ್ರಿಟನ್‌ ಮುಂದಾಗಿದೆ.

ಆಶ್ರಯ ಅರಸಿ ಚಿಕ್ಕ ಚಿಕ್ಕ ದೋಣಿಗಳಲ್ಲಿ ಅಕ್ರಮವಾಗಿ ಬ್ರಿಟನ್‌ ಪ್ರವೇಶಿಸುವವರನ್ನು ತಡೆಯಲು ಈ ವಾರವೇ ಹೊಸ ವಿಧೇಯಕವನ್ನು ಸಂಸತ್‌ನಲ್ಲಿ ಮಂಡಿಸುವ ಸಾಧ್ಯತೆ ಇದೆ.

ಈ ಬಗ್ಗೆ ಪ್ರಧಾನಿ ರಿಷಿ ಸುನಕ್‌ ಮತ್ತು ಗೃಹ ಸಚಿವೆ ಸುವೆಲ್ಲಾ ಬ್ರಾವರ್‌ವೆುನ್‌ ಚರ್ಚೆ ನಡೆಸಿದ್ದಾರೆ. ಈ ಕಾಯ್ದೆಯು ಸಣ್ಣ ದೋಣಿಗಳಲ್ಲಿ ಅಕ್ರಮವಾಗಿ ಬ್ರಿಟನ್‌ಗೆ ಬರುವವರು ದೇಶದಲ್ಲಿ ನೆಲಸುವುದನ್ನು ತಡೆಯಲಿದೆ.

ಗೃಹ ಸಚಿವಾಲಯದ ಮೂಲಕ ಅಂಥವರನ್ನು ರವಾಂಡ ಅಥವಾ ಇತರೆ ಸುರಕ್ಷಿತ ದೇಶಕ್ಕೆ ಕಳುಹಿಸಲಾಗುತ್ತದೆ. ಈ ಹಿಂದೆ ಜಾರಿಯಲ್ಲಿದ್ದ ಕ್ರಮದ ಬಗ್ಗೆ ಕೋರ್ಟ್‌ ಆಕ್ಷೇಪ ಮಾಡಿತ್ತು.