Advertisement
ಎರಡನೆಯವರಾಗಿ 113 ಮತ ಪಡೆದ ಮಾಜಿ ವಿದೇಶಾಂಗ ಸಚಿವೆ ಲಿಸ್‌ ಟ್ರಸ್‌ ಅವರು ಉಳಿದಿದ್ದು, ಇವರಿಬ್ಬರು ಪ್ರಧಾನಿ ಹುದ್ದೆಗಾಗಿ ಹೋರಾಟ ನಡೆಸಲಿದ್ದಾರೆ.
Related Articles
ಸೆ.5ರಂದು ಬ್ರಿಟನ್‌ನ ಹೊಸ ಪ್ರಧಾನಿ ಮತ್ತು ಕನ್ಸರ್ವೇಟೀವ್‌ ಪಕ್ಷದ ಹೊಸ ಅಧ್ಯಕ್ಷನ ಘೋಷಣೆಯಾಗುತ್ತದೆ. ಅಂದರೆ, ಪಕ್ಷದ ಅಧ್ಯಕ್ಷರೇ ಅಲ್ಲಿನ ಪ್ರಧಾನಿ ಕೂಡ ಆಗುತ್ತಾರೆ. ಇದರ ಆಯ್ಕೆಗಾಗಿ ಇನ್ನು ರಿಷಿ ಸುನಕ್‌ ಮತ್ತು ಲಿಸ್‌ ಟ್ರಾಸ್‌ ಅವರು ದೇಶಾದ್ಯಂತ ಇರುವ ಕನ್ಸರ್ವೇಟೀವ್‌ ಪಕ್ಷದ ಸದಸ್ಯರ ಬೆಂಬಲ ಪಡೆಯಬೇಕಾಗುತ್ತದೆ. ಇವರ ಸಂಖ್ಯೆಯೇ ಸುಮಾರು 2 ಲಕ್ಷದಷ್ಟಿದೆ ಎಂಬ ಅಂದಾಜಿದೆ. ಈ ಸದಸ್ಯರು ಯಾರಿಗೆ ಹೆಚ್ಚು ಮತ ಹಾಕುತ್ತಾರೆಯೋ ಅವರೇ ಪಕ್ಷದ ಅಧ್ಯಕ್ಷರು ಮತ್ತು ಪ್ರಧಾನಿ ಆಗುತ್ತಾರೆ.
Advertisement
ಟ್ರಸ್‌ ಬೆನ್ನಿಗೆ ಜಾನ್ಸನ್ಮೂರನೇ ಸ್ಥಾನದಲ್ಲಿದ್ದ ಟ್ರಸ್‌ ಅವರು ದಿಢೀರನೇ ಎರಡನೇ ಸ್ಥಾನಕ್ಕೆ ಬರಲು ಬೋರಿಸ್‌ ಜಾನ್ಸನ್‌ ಕಾರಣ ಎಂದೇ ಹೇಳಲಾಗುತ್ತಿದೆ. ರಿಷಿ ಸುನಕ್‌ ವಿರುದ್ಧ ನಿಂತಿರುವ ಜಾನ್ಸನ್‌, ತಮ್ಮ ಉತ್ತರಾಧಿಕಾರಿಯಾಗಿ ಲಿಸ್‌ ಟ್ರಸ್‌ ಅವರನ್ನೇ ತರಲು ನೋಡುತ್ತಿದ್ದಾರೆ ಎಂದು ವಿಶ್ಲೇಷಣೆಗಳು ಹೇಳಿವೆ. ಇದಕ್ಕೆ ಪೂರಕವೆಂಬಂತೆ, ಬ್ರಿಟನ್‌ನ ಯೂಗವ್‌ ಎಂಬ ಸಂಸ್ಥೆ ನಡೆಸಿದ ಸಮೀಕ್ಷೆಯಲ್ಲಿ ರಿಷಿ ಸುನಕ್‌ ವಿರುದ್ಧ ಲಿಸ್‌ ಟ್ರಸ್‌ ಗೆಲ್ಲುತ್ತಾರೆ ಎಂಬುದು ಬಹಿರಂಗವಾಗಿದೆ. ಈವರೆಗೆ ವ್ಯಕ್ತವಾದ ಸಂಸದರ ಬೆಂಬಲ
ರಿಷಿ ಸುನಕ್‌
1ನೇ ಸುತ್ತು – 88
2ನೇ ಸುತ್ತು – 101
3ನೇ ಸುತ್ತು – 115
4ನೇ ಸುತ್ತು – 118
5ನೇ ಸುತ್ತು – 137 ಲಿಸ್‌ ಟ್ರಸ್‌
1ನೇ ಸುತ್ತು – 50
2ನೇ ಸುತ್ತು – 64
3ನೇ ಸುತ್ತು – 71
4ನೇ ಸುತ್ತು – 86
5ನೇ ಸುತ್ತು – 113 ಭಾರತ ಮೂಲದ ಮೊದಲ ಪ್ರಧಾನಿ
ಪ್ರಧಾನಿ ಹುದ್ದೆ ರೇಸಿನಲ್ಲಿ ಅಧಿಕೃತವಾಗಿ ಉಳಿದಿರುವ ರಿಷಿ ಸುನಕ್‌ ಅವರೇನಾದರೂ ಬ್ರಿಟನ್‌ ಪ್ರಧಾನಿಯಾದರೆ, ಭಾರತ ಮೂಲದ ವ್ಯಕ್ತಿಯೊಬ್ಬರು ಈ ಹುದ್ದೆಗೇರಿದ ಮೊದಲ ವ್ಯಕ್ತಿ ಎಂದು ಅನ್ನಿಸಿಕೊಳ್ಳಲಿದ್ದಾರೆ. ಸದ್ಯ ಬ್ರಿಟನ್‌ನಲ್ಲಿ ಅತ್ಯುನ್ನತ ಹುದ್ದೆಗೇರಿದ ವ್ಯಕ್ತಿಯ ದಾಖಲೆಯೂ ಅವರ ಹೆಸರಿನಲ್ಲಿಯೇ ಇದೆ. ಅಂದರೆ, ಇತ್ತೀಚಿನವರೆಗೂ ಜಾನ್ಸನ್‌ ಸಂಪುಟದಲ್ಲಿ 2ನೇ ಸ್ಥಾನ ಎಂದೇ ಬಿಂಬಿಸಲಾಗಿದ್ದ ವಿತ್ತ ಸಚಿವ ಹೊಣೆಗಾರಿಕೆ ರಿಷಿಅವರ ಬಳಿಯೇ ಇತ್ತು. ಒಂದು ತಿಂಗಳ ಪ್ರಕ್ರಿಯೆ
ಅಂತಿಮ ಕಣದಲ್ಲಿ ಉಳಿದಿರುವ ರಿಷಿ ಸುನಕ್‌ ಮತ್ತು ಲಿಸ್‌ ಟ್ರಸ್‌ ಅವರ ಹೆಸರುಗಳುಳ್ಳ ಬ್ಯಾಲೆಟ್‌ ಪೇಪರ್‌ಗಳನ್ನು ಕನ್ಸರ್ವೇಟೀವ್‌ ಪಕ್ಷದ 2 ಲಕ್ಷ ಸದಸ್ಯರಿಗೆ ಕಳುಹಿಸಲಾಗುತ್ತದೆ. ಅವರು ಇವರಿಬ್ಬರಲ್ಲಿ ಒಬ್ಬರನ್ನು ಆಯ್ಕೆ ಮಾಡಿ ಅಂಚೆ ಮೂಲಕವೇ ವಾಪಸ್‌ ಕಳಿಸಬೇಕು. ಇದು ಜುಲೈ ಅಂತ್ಯದಲ್ಲಿ ಆರಂಭವಾಗಿ ಸೆ.5ಕ್ಕೆ ಹೊಸ ನಾಯಕನ ಆಯ್ಕೆ ಘೋಷಣೆಯಾಗುತ್ತದೆ.