ಕೋವಿಡ್ ಇಲ್ಲವೆಂದು ಮೈಮರೆಯಬೇಡಿ

ರಿಪ್ಪನ್‌ಪೇಟೆ: ಕೊರೊನಾ ವೈರಸ್‌ ದೇಶವ್ಯಾಪ್ತಿ ಹರಡಿದ್ದು, ಜಿಲ್ಲೆಯಲ್ಲಿ ಈ ರೋಗ ಬಗ್ಗೆ ಪಾಸಿಟಿವ್‌ ಪ್ರಕರಣವಿಲ್ಲ. ಆದರೂ ಮೈಮರೆಯುವಂತಿಲ್ಲ. ಈ ನಿಟ್ಟಿನಲ್ಲಿ ಜಿಲ್ಲೆಯ ವಿವಿಧ ಇಲಾಖೆಗಳ ಅಧಿಕಾರಿಗಳು ಸಮರ್ಥವಾಗಿ ಕೆಲಸ ಮಾಡುತ್ತಿದ್ದಾರೆ ಎಂದು ಜಿಲ್ಲಾಧಿಕಾರಿ ಕೆ.ಬಿ.ಶಿವಕುಮಾರ್‌ ಹೇಳಿದರು.

ಹೊಸನಗರಕ್ಕೆ ಭೇಟಿ ನೀಡುವ ಸಂದರ್ಭದಲ್ಲಿ ಮಾರ್ಗ ಮಧ್ಯೆ ರಿಪ್ಪನ್‌ಪೇಟೆ ಗ್ರಾಪಂ ಪಿಡಿಒ ಹಾಗೂ ಕಂದಾಯ ಇಲಾಖೆಯ ಸಿಬ್ಬಂದಿಯಿಂದ ಕೊರೊನಾ ಬಗ್ಗೆ ಅಂಗನವಾಡಿ, ಅಶಾ ಮತ್ತು ಅರೋಗ್ಯ ಕಾರ್ಯಕರ್ತೆಯರಿಗೆ ಮುಖಗವಸು ಮತ್ತು ಸ್ಯಾನಿಟೈಸರ್‌ ಮತ್ತು ಗ್ಲೌಸ್‌ಗಳನ್ನು ಸಮರ್ಪಕವಾಗಿ ನೀಡಲಾಗಿದೆಯೇ ಎಂಬ ಬಗ್ಗೆ ಮಾಹಿತಿ ಪಡೆದು ಮಾತನಾಡಿದರು.

ರಿಪ್ಪನ್‌ಪೇಟೆಯ ಬರುವೆ ಸರ್ಕಾರಿ ಹಿರಿಯ ಪ್ರಾಥಮಿಕ ಪಾಠಶಾಲೆಯಲ್ಲಿ ಗೆಳಯರ ಬಳದವರು ಕೊರೊನಾ ವಾರಿಯರ್ಸ್‌ಗೆ ವ್ಯವಸ್ಥೆ ಮಾಡಿರುವ ಮಧ್ಯಾಹ್ನದ ದಾಸೋಹ ಕೇಂದ್ರದಲ್ಲಿ ಊಟ ಸವಿದು ಪ್ರಶಂಸೆ ವ್ಯಕ್ತಪಡಿಸಿದರು.