ಅನ್ನದ ಅಗುಳು

ಅನ್ನದ ಅಗುಳು..

ಮಾಸಿದ ಬಟ್ಟೆ

ಹತ್ತಾರು ವರ್ಷದ ತ‌ಟ್ಟೆ

ಬೇಡುವ ಕೈಯಿ

ತೊಡೆಯ ಮೇಲೊಂದು ನಾಯಿ,

ಗಬ್ಬುನಾತದ ಮೈಯಿ

ಮಂಗಳಾರತಿಯ ಬಾಯಿ,

ನೀ ಯಾರೆಂದು ಕೇಳಿದೊಡನೆ

ನಾನು ಯಾರೆಂದು ಹೇಳಲಿ.

ನಾನು ಮುಸ್ಲಿಮನೋ !

ಹಿಂದೂ ಧರ್ಮದವನೋ

ಬೌದ್ಧನೋ  ಕ್ರೈಸ್ತನೋ

ಯಾರೆಂದು ಹೇಳಲಿ

ಯಾರಿಗೆಂದು  ಕೇಳಲಿ,

ನಾನು ಬಲ್ಲವನೇ

ನಿನ್ನೊಂದಿಗೆ ಬದುಕುವವನೇ .

ಮಾಸದೊಳಗಿನ ಹಸಿವು

ಹಾಲು ಜೇನು ಹಣ್ಣಿನಿಂದ

ಕೊಚ್ಚೆಯಲ್ಲಿ ಹರಿಯುವಾಗ

ಕಹಿಯಬಲ್ಲದ ಮರದ ಎಲೆಗೆ

ಬೆಲ್ಲದ ಸವಿಯನ್ನು ಎರೆದು ,

ಅನ್ನದ ಅಗುಳು ಬೆಂದಿದೆ ಹೊಟ್ಟೆ ಹೊಕ್ಕಲು.

ಸತ್ತ ಹೆಣದ ಮುಂದೆ

ಮುತ್ತಿಕ್ಕಿ ನಗುತ್ತಿರಲು

ಶಿವನ ತ್ರಿಶೂಲದಲ್ಲಿ

ಅಲ್ಲಾಹನ ಕಿಲುಬಿನಲ್ಲಿ

ಬುದ್ಧನ ಜ್ಞಾನ ಶಾಂತಿಯಲ್ಲಿ

ಕ್ರಿಸ್ತನ ಸೇವೆಯಲ್ಲಿ

ಕಣ್ಣೊಳಗೆ ಹಸಿದ ತುತ್ತು

ಸುಕ್ಕಿಟ್ಟ ಗೋಡೆಗೆ ತಾಕಿದೆ.

 

-  ಭೋವಿ ರಾಮಚಂದ್ರ