ನಿವೃತ್ತಿ ಬಳಿಕದ ಇಪಿಎಫ್ ಬಡ್ಡಿಗೆ ತೆರಿಗೆ ವಿನಾಯ್ತಿ ಇಲ್ಲ

ಮುಂಬೈ: ನೀವು ನಿಗದಿತ ಸಂಸ್ಥೆಯಲ್ಲಿ ಉದ್ಯೋಗಿ ನಿವೃತ್ತಿ ಹೊಂದಿದ್ದೀರಾ ಇಲ್ಲವೇ ಸೇವಾವಧಿ ಇರುವಂತೆಯೇ ರಾಜೀನಾಮೆ ನೀಡಿದ್ದರೆ, ಆ ದಿನದ ವರೆಗೆ ನಿಮ್ಮ ವೇತನದಿಂದ ಸಂಗ್ರಹ ಆಗಿರುವ ನೌಕರರ ಭವಿಷ್ಯ ನಿಧಿ (ಇಪಿಎಫ್) ಮೊತ್ತಕ್ಕೆ ಮಾತ್ರ ತೆರಿಗೆ ವಿನಾಯಿತಿ ಇರುತ್ತದೆ. ಉದ್ಯೋಗದಲ್ಲಿ ಇಲ್ಲದ ನಂತರದ ದಿನಗಳಲ್ಲಿ ಠೇವಣಿ ಯಾಗಿರುವ ಮೊತ್ತಕ್ಕೆ ಸಿಗುವ ಬಡ್ಡಿಗೆ ತೆರಿಗೆ ನೀಡಬೇಕಾ ಗುತ್ತದೆ. ಹೀಗೆಂದು ಆದಾಯ ತೆರಿಗೆ ಮೇಲ್ಮನವಿ ಪ್ರಾಧಿಕಾರದ (ಐಎಟಿಎ) ಬೆಂಗಳೂರು ಕಚೇರಿ ಪ್ರಕರಣವೊಂದರ ವಿಚಾರಣೆಯಲ್ಲಿ ತೀರ್ಪು ನೀಡಿದೆ. 

ಉದ್ಯೋಗಿ ನಿವೃತ್ತಿ ಹೊಂದಿದಲ್ಲಿ ಅಥವಾ ರಾಜೀನಾಮೆ ನೀಡಿದಲ್ಲಿ ಅಥವಾ ವಜಾಗೊಂಡಲ್ಲಿ ಆತನ ಇಪಿಎಫ್ ಖಾತೆ ಚಾಲ್ತಿಯಲ್ಲಿರುತ್ತದೆ. ಉದ್ಯೋಗಿ 55 ವರ್ಷಗಳ ಬಳಿಕ ನಿವೃತ್ತಿ ಹೊಂದಿದಲ್ಲಿ ಠೇವಣಿ ಮೊತ್ತವನ್ನು ವಿಥ್‌ಡ್ರಾ ಮಾಡುವ ಪ್ರಶ್ನೆ ಉದ್ಭವಿಸುವುದಿಲ್ಲ. ನಿವೃತ್ತಿ ದಿನಾಂಕದಿಂದ ಮೂರು ವರ್ಷಗಳ ಕಾಲ ಖಾತೆಯನ್ನು ಚಾಲ್ತಿಯಲ್ಲಿಲ್ಲದ್ದು ಎಂದು ಪರಿಗಣಿಸಿ ಇರುವ ಮೊತ್ತಕ್ಕೆ ಬಡ್ಡಿ ನೀಡುವುದನ್ನು ಸ್ಥಗಿತಗೊಳಿಸಲಾಗುತ್ತದೆ ಎಂದಿದೆ ತೀರ್ಪು.