Puri ಜಗನ್ನಾಥ ದೇಗುಲದ ‘ರತ್ನ ಭಂಡಾರ’ ರಿಪೇರಿ ಡಿ.16ಕ್ಕೆ ಆರಂಭ

ಭುವನೇಶ್ವರ: ಒಡಿಶಾದ ಪುರಿಯಲ್ಲಿರುವ ಜಗನ್ನಾಥ ದೇವಸ್ಥಾನದ ರತ್ನ ಭಂಡಾರದ ರಿಪೇರಿ ಕಾರ್ಯ ಡಿ.16ರಿಂದ ಆರಂಭವಾಗಲಿದೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ರಿಪೇರಿಗಾಗಿ ಭಾರತೀಯ ಪುರಾತತ್ತÌ ಇಲಾಖೆ ನೀತಿ ಆಯೋಗದ ಉಪ ಸಮಿತಿಯ ಅನುಮತಿ ಕೇಳಿದೆ ಎಂದು ಸಂಸ್ಥೆ ಮುಖ್ಯಸ್ಥ ಡಿ.ಬಿ.ಗಾರ್ನಾಯಕ್‌ ಹೇಳಿದ್ದಾರೆ.

ಇದಕ್ಕೂ ಮೊದಲು ಹೈದರಾಬಾದ್‌ನ ರಾಷ್ಟ್ರೀಯ ಭೌಗೋಳಿಕ ಸಂಶೋಧನ ಸಂಸ್ಥೆಯ ಜತೆ ಸೇರಿ ಎಎಸ್‌ಐ ರತ್ನ ಭಂಡಾರ ಸಮೀಕ್ಷೆ ನಡೆಸಿತ್ತು. ಡಿ.10ರಂದು ಪುರಿ ದೇವಸ್ಥಾನ ಸಮಿತಿ ಸಭೆ ನಡೆಸಲಿದ್ದು, ಈ ವೇಳೆ ರತ್ನ ಭಂಢಾರದ ರಿಪೇರಿಯ ಬಗ್ಗೆ ಚರ್ಚೆ ನಡೆಸಲಾಗುತ್ತದೆ ಎಂದು ಜಿಲ್ಲಾಧಿಕಾರಿ ಸಿದ್ಧಾರ್ಥ್ ಶಂಕರ್‌ ಹೇಳಿದ್ದಾರೆ. ಜುಲೈಯಲ್ಲಿ ರತ್ನ ಭಂಡಾರ ತೆರೆಯಲಾಗಿತ್ತು.