ಆ.1ರಿಂದ ಎನ್‌ಎಸಿಎಚ್‌ ವಾರದ ಎಲ್ಲ ದಿನ ಕಾರ್ಯಾಚರಣೆ

ಹೊಸದಿಲ್ಲಿ: ಇದೇ ಆಗಸ್ಟ್‌ 1ರಿಂದ ನ್ಯಾಶನಲ್‌ ಅಟೊಮೇಟೆಡ್‌ ಕ್ಲಿಯರಿಂಗ್‌ ಹೌಸ್‌ (ಎನ್‌ಎಸಿಎಚ್‌) ವಾರದ ಎಲ್ಲ ದಿನಗಳಲ್ಲಿಯೂ ಕಾರ್ಯಾಚರಿಸಲಿದ್ದು, ವೇತನ, ಪಿಂಚಣಿ ಜಮೆ, ಇಎಂಐ ಪಾವತಿಯಂತಹ ಪ್ರಕ್ರಿಯೆಗಳು ಎಲ್ಲ ದಿನವೂ ನಡೆಯಲಿವೆ.

ಇದುವರೆಗೆ ತಿಂಗಳ 1ನೇ ತಾರೀಕು ಶನಿವಾರ ಅಥವಾ ರವಿವಾರ ಆಗಿದ್ದರೆ ಇಂತಹ ಅತ್ಯಗತ್ಯ ಜಮೆ, ಪಾವತಿಗಳಿಗೆ ಸೋಮವಾರದ ವರೆಗೆ ಕಾಯಬೇಕಾಗುತ್ತಿತ್ತು. ಆ. 1ರ ಬಳಿಕ ಇದು ನಿವಾರಣೆಯಾಗಲಿದೆ.

ಭಾರತೀಯ ರಿಸರ್ವ್‌ ಬ್ಯಾಂಕ್‌ ಗವರ್ನರ್‌ ಶಕ್ತಿಕಾಂತ್‌ ದಾಸ್‌ ಅವರು ಬ್ಯಾಂಕ್‌ ಗ್ರಾಹಕರ ಅನುಕೂಲಕ್ಕಾಗಿ ಎನ್‌ಎಸಿಎಚ್‌ ವಾರದ ಎಲ್ಲ ದಿನಗಳಲ್ಲಿ ಕಾರ್ಯಾಚರಿಸಲಿರುವುದಾಗಿ ಘೋಷಿಸಿದ್ದರು.