Advertisement

ತುರ್ತುಸಾಲದ ಆ್ಯಪ್‌ ಗಳು, ಎನ್‌ಬಿಎಫ್ ಸಿಗಳ ವಿರುದ್ಧ ಆರ್‌ಬಿಐಗೆ 8000 ದೂರು!

09:14 PM Jul 19, 2022 | Team Udayavani |

ನವದೆಹಲಿ: ಇತ್ತೀಚೆಗೆ ಕ್ಷಣಮಾತ್ರದಲ್ಲಿ ಆನ್‌ಲೈನ್‌ ಮೂಲಕ ಹಣ ನೀಡುವ ಆ್ಯಪ್‌ಗ್ಳು ಸಾಕಷ್ಟು ಹುಟ್ಟಿಕೊಂಡಿವೆ. ಹಾಗೆಯೇ ಬ್ಯಾಂಕೇತರ ಹಣಕಾಸು ಸಂಸ್ಥೆಗಳ (ಎನ್‌ಬಿಎಫ್ ಸಿ) ಪಾಲೂ ಇದರಲ್ಲಿ ಜೋರಾಗಿದೆ. ಇಂತಹ ಆ್ಯಪ್‌ ಗಳು ಹಣ ಮರುವಸೂಲಿ ಮಾಡಲು ಕಠಿಣ ದಾರಿ ಹಿಡಿಯುತ್ತಿವೆ. ಇದರ ವಿರುದ್ಧ ಆರ್‌ಬಿಐಗೆ 7,813ಕ್ಕೂ ಅಧಿಕ ದೂರುಗಳು ತಲುಪಿವೆ!

Advertisement

ಈ ಪೈಕಿ ಗರಿಷ್ಠ ದೂರುಗಳು ಕ್ರಮವಾಗಿ ಮಹಾರಾಷ್ಟ್ರ, ಕರ್ನಾಟಕ, ದೆಹಲಿ, ಹರ್ಯಾಣ, ತೆಲಂಗಾಣ, ಆಂಧ್ರಪ್ರದೇಶ, ಪ.ಬಂಗಾಳ, ತಮಿಳುನಾಡು, ಗುಜರಾತ್‌ನಿಂದ ಕೇಳಿಬಂದಿವೆ. ಆರ್‌ಬಿಐ ಇದನ್ನು ಬಗೆಹರಿಸಲು ಕಾರ್ಯಕಾರಿ ಸಮಿತಿಯೊಂದನ್ನು ರಚಿಸಿ, ಇದರ ವಿವಿಧ ಮುಖಗಳನ್ನು ಪರಿಶೀಲಿಸಲು ತಿಳಿಸಿದೆ.

ಆರ್‌ಬಿಐ ನಿಯಂತ್ರಿತ ಬ್ಯಾಂಕ್‌ಗಳು, ಕಾನೂನು ವ್ಯಾಪ್ತಿಯಿಂದ ಹೊರಗಿರುವ ಆ್ಯಪ್‌ ಗಳನ್ನು ಪರಿಶೀಲಿಸಲು ತಿಳಿಸಿದೆ. ಕಾನೂನು ವ್ಯಾಪ್ತಿಯಲ್ಲಿಲ್ಲದ ಆ್ಯಪ್‌ ಗಳು, ಎನ್‌ಬಿಎಫ್ ಸಿಗಳ ಪ್ರತಿನಿಧಿಗಳು ಹೊತ್ತಲ್ಲದ ಹೊತ್ತಿನಲ್ಲಿ ಕರೆ ಮಾಡುವುದು, ಅವಾಚ್ಯ ಶಬ್ದ ಬಳಸುವುದನ್ನು ಮಾಡುತ್ತಿದ್ದಾರೆ. ಸಾಲ ತೆಗೆದುಕೊಳ್ಳುವಾಗ ಇದನ್ನೆಲ್ಲ ಚಿಂತಿಸದ ಗ್ರಾಹಕರು ಈಗ ಚಿಂತೆಗೊಳಗಾಗಿ ದೂರು ನೀಡುತ್ತಿದ್ದಾರೆ.

 

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next