ಎನ್‌ಬಿಎಫ್ ಸಿ ಗಳಿಗೂ ಇ-ಕೆವೈಸಿ

ಹೊಸದಿಲ್ಲಿ: ಬ್ಯಾಂಕೇತರ ವಿತ್ತೀಯ ಸಂಸ್ಥೆಗಳು (ಎನ್‌ಬಿಎಫ್ಸಿ) ಕೂಡ ಆಧಾರ್‌ ಆಧರಿತ ಇ- ಕೆವೈಸಿ (ನಿಮ್ಮ ಗ್ರಾಹಕರನ್ನು ಅರಿಯಿರಿ) ವ್ಯವಸ್ಥೆ ಜಾರಿಗೆ ತರಲು ಒಪ್ಪಿಗೆ ನೀಡಿದೆ.

ಈ ನಿರ್ಧಾರ ದಿಂದಾಗಿ ಹೆಚ್ಚಿನ ಪ್ರಮಾಣ ದಲ್ಲಿ ಡಿಜಿಟಲ್‌ ವ್ಯವಸ್ಥೆಯನ್ನು ಅಳವಡಿಸಿ ಕೊಳ್ಳಲು ಸಾಧ್ಯವಾಗಲಿದೆ. ಆರ್‌ಬಿಐನ ಹೊಸ ನಿಯಮದಿಂದಾಗಿ ಪಾವತಿ ವ್ಯವಸ್ಥೆ ನೀಡುವವರು ಮತ್ತು ಪಾವತಿ ವ್ಯವಸ್ಥೆಯಲ್ಲಿ ಭಾಗವಹಿಸುವವರಿಗೆ ಆಧಾರ್‌ ದೃಢೀಕರಣ ಪರವಾನಿಗೆ  ಪಡೆದುಕೊಳ್ಳಲು ಅರ್ಜಿ ಸಲ್ಲಿಕೆ ಮಾಡಲು ಅವಕಾಶ ಕಲ್ಪಿಸಲಾಗಿದೆ.

ಈ ವ್ಯವಸ್ಥೆ ಮೂಲಕ ಎನ್‌ಬಿಎಫ್ಸಿಗಳು ಕೂಡ ಕೆವೈಸಿ ಬಳಕೆ ಮಾಡಲು ಸಂಸ್ಥೆ ಅಥವಾ ಅದರ ಉಪ ಕೇಂದ್ರವನ್ನು ಸ್ಥಾಪಿಸಲು ಅನುಮತಿ ಕೋರಲು ಅರ್ಜಿ ಸಲ್ಲಿಸಬಹುದಾಗಿದೆ.  ಆರ್‌ಬಿಐ ನಿರ್ಧಾರದ ಬಗ್ಗೆ ಪ್ರತಿಕ್ರಿಯೆ ನೀಡಿದ ಎಂಸ್ವೈಪ್‌ ಸಂಸ್ಥೆಯ ಅಂಕಿತ್‌ ಭಟ್ನಾಗರ್‌, ಬ್ಯಾಂಕೇತರ ವಿತ್ತೀಯ ಸಂಸ್ಥೆಗಳಿಗೆ ಕೂಡ ಆಧಾರ್‌  ಆಧರಿತ ಇ-ಕೆವೈಸಿ ವ್ಯವಸ್ಥೆ ಬಳಕೆ ಮಾಡಲು ಅನುಮತಿ ನೀಡಿದ್ದರಿಂದಲಾಗಿ ಗ್ರಾಹ ಕರು ಮತ್ತು ಸಂಸ್ಥೆಗಳ ನಡುವಿನ ನಂಬಿಕೆ ಮತ್ತಷ್ಟು ದೃಢವಾಗಲಿದೆ ಎಂದು ಹೇಳಿದ್ದಾರೆ.