ಬೆಂಗಳೂರು: ಬಹುಭಾಷಾ ನಟಿ ರಶ್ಮಿಕಾ ಮಂದಣ್ಣ – ವಿಜಯ್‌ ದೇವರಕೊಂಡ ಒಂದಲ್ಲ ಒಂದು ವಿಚಾರದಲ್ಲಿ ಸುದ್ದಿಯಲ್ಲಿರುತ್ತಾರೆ. ಅವರ ಆತ್ಮೀಯತೆ ಇಂಟರ್‌ ನೆಟ್‌ ನಲ್ಲಿ ಅನೇಕ ಬಾರಿ ಸದ್ದು ಮಾಡಿದೆ.
ಇತ್ತೀಚೆಗೆ ರಶ್ಮಿಕಾ – ದೇವರಕೊಂಡ ಎಂಗೇಜ್‌ ಮೆಂಟ್‌ ಮಾಡಿಕೊಳ್ಳಲಿದ್ದಾರೆ ಎನ್ನುವ ಸುದ್ದಿಯೊಂದು ಹರಿದಾಡಿತ್ತು. ಆದರೆ ಇದು ಸತ್ಯಕ್ಕೆ ದೂರವೆಂದು ದೇವರಕೊಂಡ ಈ ಬಗ್ಗೆ ಸ್ಪಷ್ಟನೆ ನೀಡಿದ್ದರು.
ʼಗೀತಾ ಗೋವಿಂದಂʼ, ʼಡಿಯರ್‌ ಕಾಮ್ರೆಡ್‌ʼ ಮೂಲಕ ಬಿಗ್‌ ಸ್ಕ್ರೀನ್‌ ನಲ್ಲಿ ಮೋಡಿ ಮಾಡಿ ರಶ್ಮಿಕಾ – ದೇವರಕೊಂಡ ಆ ಬಳಿಕ ಜೊತೆಯಾಗಿ ಹಲವು ಬಾರಿ ಕಾಣಿಸಿಕೊಂಡಿದ್ದಾರೆ. ರಶ್ಮಿಕಾ ಮಂದಣ್ಣ ಅವರು, ಸಂದರ್ಶನವೊಂದರಲ್ಲಿ ವಿಜಯ್‌ ದೇವರಕೊಂಡ ಅವರ ಗೆಳೆತನದ ಬಗ್ಗೆ ಮಾತನಾಡಿದ್ದಾರೆ.
“ಈಗ ನಾನು ಜೀವನದಲ್ಲಿ ಏನು ಮಾಡಿದರೂ, ಅದಕ್ಕೆ ಅವರ(ದೇವರಕೊಂಡ) ಕೊಡುಗೆ ಇದೆ. ನಾನು ಯಾವ ಕೆಲಸ ಮಾಡಿದರೂ ಅವರ ಸಲಹೆಯನ್ನು ಪಡೆದುಕೊಳ್ಳುತ್ತೇನೆ. ಅವರ ಅಭಿಪ್ರಾಯದಂತೆ ನಾನು ಅದನ್ನು ಮಾಡುತ್ತೇನೆ” ಎಂದಿದ್ದಾರೆ.
“ವಿಜಯ್‌ ಎಲ್ಲದಕ್ಕೆ ಹೌದೆಂದು ಒಪ್ಪುವ ವ್ಯಕ್ತಿಯಲ್ಲ. ಅವರ ಅಭಿಪ್ರಾಯ ವಿಚಾರದ ಮೇಲಿರುತ್ತದೆ. ಇದು ಒಳ್ಳೆಯದು. ಒಳ್ಳೆಯದಲ್ಲ. ನಾನು ಏನು ಯೋಚಿಸುತ್ತೇನೋ, ಏನು ಯೋಚಿಸುವುದಿಲ್ವೋ.. ಎಲ್ಲದಕ್ಕೂ ಅವರು ನನಗೆ ಬೆಂಬಲ ನೀಡುತ್ತಾರೆ. ಅವರು ನನ್ನ ಇಡೀ ಜೀವನದಲ್ಲಿ ಬೇರೆಯವರಿಗಿಂತ ವೈಯಕ್ತಿಕವಾಗಿ ಹೆಚ್ಚಾಗಿ ನನ್ನನ್ನು ಬೆಂಬಲಿಸಿದ್ದಾರೆ. ಅವರು ನಾನು ನಿಜವಾಗಿಯೂ ಗೌರವಿಸುವ ವ್ಯಕ್ತಿ ಎಂದು ನಾನು ಭಾವಿಸುತ್ತೇನೆ” ಎಂದು ಹೇಳಿದ್ದಾರೆ.
ಕಳೆದ ಕೆಲ ವರ್ಷಗಳಿಂದ ರಶ್ಮಿಕಾ – ದೇವರಕೊಂಡ ಡೇಟ್‌ ನಲ್ಲಿದ್ದಾರೆ ಎನ್ನಲಾಗುತ್ತಿದೆ. ಆದರೆ ಈ ಬಗ್ಗೆ ಇಬ್ಬರು ಇದುವರೆಗೂ ಎಲ್ಲೂ ಹೇಳಿಕೊಂಡಿಲ್ಲ.
