ಪಂಜರದಲ್ಲೇ ಮೃತಪಟ್ಟ ಅಪರೂಪದ ಆಮೆ ಮರಿಗಳು

ಹೊನ್ನಾವರ: ಫೆಸಿಪಿಕ್‌ ರಿಟ್ಲೇ ಎಂಬ ವಿರಳ ಜಾತಿಯ ಆಮೆಗಳು ಮೃತಪಟ್ಟಿರುವ ಘಟನೆ ಉತ್ತರ ಕನ್ನಡ ಜಿಲ್ಲೆಯ ಹೊನ್ನಾವರದಲ್ಲಿ ನಡೆದಿದೆ.

ರಕ್ಷಕರೇ ಶಿಕ್ಷಿಸಿದರು. ಫೆಸಿಪಿಕ್‌ ರಿಟ್ಲೇ ಎಂಬ ವಿರಳ ಜಾತಿಯ ಆಮೆಗಳು ಉತ್ತರ ಕನ್ನಡದ ಕರಾವಳಿ ತೀರದಲ್ಲಿ ಈ ಕಾಲದಲ್ಲಿ ಮೊಟ್ಟೆ ಇಡುತ್ತವೆ. ಇದು ಗಿಡಗ, ಹದ್ದುಗಳ, ಮನುಷ್ಯರ ಪಾಲಾಗದಂತೆ ಅರಣ್ಯ ಇಲಾಖೆ ಮೊಟ್ಟೆ ಇಡುವ ಸ್ಥಳ ಗುರುತಿಸಿ ಬಲೆಯ ಪಂಜರ ನಿರ್ಮಿಸಿ ಕಾಯುತ್ತವೆ.

ಈ ಬಾರಿ ಮೊಟ್ಟೆ ಗುರುತಿಸಿ ಪಂಜರ ಕಟ್ಟಿದವರು ಮತ್ತೆ ಅತ್ತ ಸುಳಿಯಲೇ ಇಲ್ಲ. ಇದರಿಂದಾಗಿ ನೂರಾರು ಮೊಟ್ಟೆಗಳು ಮರಿಯಾಗಿ ಕಡಲು ಸೇರಲು ಸಾಧ್ಯವಿಲ್ಲದಂತಾಗಿ ಪಂಜರದಲ್ಲೇ ಮೃತಪಟ್ಟಿವೆ. ಊರ ಜನ ಇದನ್ನು ಕಂಡು ಉಳಿದ ನಾಲ್ಕಾರು ಮರಿಯನ್ನು ನೀರಿಗೆ ಬಿಟ್ಟಿದ್ದಾರೆ.