OCA ಅಧ್ಯಕ್ಷರಾಗಿ ರಣಧೀರ್‌ ಸಿಂಗ್‌ ಅವಿರೋಧ ಆಯ್ಕೆ

ಹೊಸದಿಲ್ಲಿ: ದೇಶದ ಹಿರಿಯ ಕ್ರೀಡಾ ಆಡಳಿತಗಾರ ರಣಧೀರ್‌ ಸಿಂಗ್‌ “ಒಲಿಂಪಿಕ್‌ ಕೌನ್ಸಿಲ್‌ ಆಫ್ ಏಷ್ಯಾ’ದ (ಒಸಿಎ) ಅಧ್ಯಕ್ಷರಾಗಿ ಆಯ್ಕೆಯಾಗಿದ್ದಾರೆ. ರವಿವಾರ ನಡೆದ 44ನೇ ಜನರಲ್‌ ಅಸೆಂಬ್ಲಿಯಲ್ಲಿ ರಣಧೀರ್‌ ಅವರ ಆಯ್ಕೆಯನ್ನು ಘೋಷಿಸಲಾಯಿತು. ಈ ಹುದ್ದೆಗೆ ನೇಮಕಗೊಂಡ ಭಾರತದ ಮೊದಲಿಗರೆಂಬುದು ಇವರ ಹೆಗ್ಗಳಿಕೆ.
5 ಬಾರಿಯ ಒಲಿಂಪಿಕ್‌ ಶೂಟರ್‌ ಆಗಿರುವ ರಣಧೀರ್‌ ಸಿಂಗ್‌ ಈ ಹುದ್ದೆಗೆ ನಾಮಪತ್ರ ಸಲ್ಲಿಸಿದ ಏಕೈಕ ಅಭ್ಯರ್ಥಿಯಾದ ಕಾರಣ ಅವಿರೋಧವಾಗಿ ಆಯ್ಕೆಯಾದರು. 77 ವರ್ಷದ ರಣಧೀರ್‌ 2021ರಿಂದ ಒಸಿಎಯ ಉಸ್ತುವಾರಿ ಅಧ್ಯಕ್ಷರಾಗಿದ್ದರು.