ಅಯೋಧ್ಯೆ ತೀರ್ಪು ಧರ್ಮಾಧಾರಿತವಲ್ಲ: ಮಾಜಿ ಸಿಜೆಐ ಗೊಗೋಯ್!

ನವದೆಹಲಿ: ಅಯೋಧ್ಯೆಯ ರಾಮ ಜನ್ಮಭೂಮಿ ತೀರ್ಪು ಧರ್ಮ ಆಧಾರಿತವಾಗಿರಲಿಲ್ಲ ಬದಲಾಗಿ ನ್ಯಾಯ ಆಧಾರಿತವಾಗಿತ್ತು ಎಂದು ನಿವೃತ್ತ ಮುಖ್ಯ ನ್ಯಾಯಮೂರ್ತಿ(ಸಿಜೆಐ) ಹಾಗೂ ರಾಜ್ಯಸಭಾ ಸದಸ್ಯ ರಂಜನ್‌ ಗೊಗೋಯ್‌ ಹೇಳಿದ್ದಾರೆ.

ಸೋಮವಾರ ವಾರಾಣಸಿಯ ಕಾರ್ಯಕ್ರಮವೊಂದರಲ್ಲಿ ಭಾಗವಹಿಸಿದ ಅವರು ಈ ಮಾತುಗಳನ್ನಾಡಿದ್ದಾರೆ. “ರಾಮ ಮಂದಿರ ತೀರ್ಪು ನನ್ನ ತೀರ್ಪಲ್ಲ. ಅದು ಸುಪ್ರೀಂ ಕೋರ್ಟ್‌ ತೀರ್ಪು.

ಐವರು ನ್ಯಾಯಮೂರ್ತಿಗಳು 3-4 ತಿಂಗಳುಗಳ ಕಾಲ ಕುಳಿತು 900 ಪುಟಗಳ ತೀರ್ಪನ್ನು ಬರೆದಿದ್ದೆವು. ಆ ತೀರ್ಪು ಸಂವಿಧಾನ ಮತ್ತು ನ್ಯಾಯ ಆಧಾರಿತವಾಗಿತ್ತೇ ವಿನಾ ಧರ್ಮಾಧಾರಿತವಾಗಿರಲಿಲ್ಲ’ ಎಂದು ಹೇಳಿದ್ದಾರೆ.

ಇದನ್ನೂ ಓದಿ:ವಿವಿಧ ಬೇಡಿಕೆಗಳಿಗೆ ಆಗ್ರಹಿಸಿ ಸರ್ಕಾರಿ ವೈದ್ಯಕೀಯ ಕಾಲೇಜಿನ ಕಿರಿಯ ವೈದ್ಯರ ಮುಷ್ಕರ

ಹಾಗೆಯೇ ನ್ಯಾಯಮೂರ್ತಿಗಳಿಗೆ ಸಂವಿಧಾನವೇ ಧರ್ಮ ಎಂದೂ ಅವರು ಹೇಳಿದ್ದಾರೆ.