Rajya Sabha MP;ಹಿಂದಿಯಲ್ಲಿ ಉತ್ತರವಿತ್ತ ಕೇಂದ್ರಕ್ಕೆ ಮಲಯಾಳ ಭಾಷೆಯಲ್ಲಿ ಪ್ರತ್ಯುತ್ತರ!

ಹೊಸದಿಲ್ಲಿ: ಸರಕಾರದ ಅಧಿಕೃತ ಮಾಹಿತಿಯನ್ನು ಹಿಂದಿ ಭಾಷೆಯಲ್ಲಿ ನೀಡಿರುವ ಕೇಂದ್ರ ರೈಲ್ವೆ ಖಾತೆ ರಾಜ್ಯ ಸಚಿವ ರವನೀತ್‌ ಸಿಂಗ್‌ ಬಿಟ್ಟೂ ಅವರಿಗೆ ಮಲ­ಯಾಳ ಭಾಷೆಯಲ್ಲಿ ಪತ್ರ ಬರೆವ ಮೂಲಕ ಕೇರಳದ ಸಿಪಿಎಂ ರಾಜ್ಯಸಭಾ ಸಂಸದ ಜಾನ್‌ ಬ್ರಿಟ್ಟಾಸ್‌ ಟಾಂಗ್‌ ನೀಡಿದ್ದಾರೆ.

ರೈಲುಗಳಲ್ಲಿ ನೀಡಲಾಗುತ್ತಿರುವ ಆಹಾರ ಗುಣಮಟ್ಟ ಮತ್ತು ಸಾಮಾನ್ಯ ಬೋಗಿಗಳನ್ನು ಹೆಚ್ಚಿಸುವಂತೆ ಸಚಿವರಿಗೆ ಇತ್ತೀಚೆಗೆ ರಾಜ್ಯಸಭೆಯಲ್ಲಿ ಜಾನ್‌ ಮನವಿ ಮಾಡಿದ್ದರು. ಈ ಕುರಿತು ಸಿಂಗ್‌ ಲಿಖೀತ ಉತ್ತರವನ್ನೂ ನೀಡಿದ್ದರು. ಆದರೆ, ದಕ್ಷಿಣ ಭಾರತದ ಸಂಸದರಿಗೆ ಇಂಗ್ಲಿಷ್‌ನಲ್ಲಿ ಉತ್ತರಿಸಬೇಕು ಎಂದು ನಿಯಮವಿದ್ದರೂ ಹಿಂದಿಯಲ್ಲಿ ಸಿಂಗ್‌ ಉತ್ತರಿಸಿದ್ದರು. ಇದಕ್ಕೆ ಅಸಮಾಧಾನ ತೋರಿರುವ ಜಾನ್‌, “ಅದಕ್ಕೆ ನಾನು ಮಲಯಾ ಳದಲ್ಲಿ ಪ್ರತಿಕ್ರಿಯಿಸುತ್ತಿದ್ದೇನೆ’ ಎಂದಿದ್ದಾರೆ.