Politics ವಿದಾಯ ಟ್ವೀಟ್‌: ರಾಜೀವ್‌ ಚಂದ್ರಶೇಖರ್‌ ಸ್ಪಷ್ಟನೆ

ಹೊಸದಿಲ್ಲಿ: ಮೋದಿ ಪದಗ್ರಹಣ ಸಮಾರಂಭದ ದಿನ ಮಾಜಿ ಕೇಂದ್ರ ಸಚಿವ ರಾಜೀವ್‌ ಚಂದ್ರಶೇಖರ್‌ ತಮ್ಮ ರಾಜಕೀಯ ಜೀವನ ಅಂತ್ಯಗೊಳಿಸುವುದಾಗಿ ಟ್ವೀಟ್‌ ಮಾಡಿದ್ದು, ಎಲ್ಲೆಡೆ ಸದ್ದು ಮಾಡಿತ್ತು. ವಾಸ್ತವವಾಗಿ ಅವರ ಸಿಬ್ಬಂದಿ ತಪ್ಪಾಗಿ ಟ್ವೀಟ್‌ ಮಾಡಿದ್ದರಿಂದ ಭಾರೀ ಗೊಂದಲ ಸೃಷ್ಟಿಯಾಗಿತ್ತು.

ಈ ಕುರಿತು ಸ್ಪಷ್ಟನೆ ನೀಡಿದ ರಾಜೀವ್‌, ರಾಜಕೀಯ ನಿವೃತ್ತಿ ಕುರಿತು ತಂಡದ ಸದಸ್ಯರೊಬ್ಬರು ಮಾಡಿದ ತಪ್ಪು ಟ್ವೀಟ್‌ನಿಂದ ಗೊಂದಲ ಸೃಷ್ಟಿಯಾಗಿದೆ. ಈ ಟ್ವೀಟ್‌ ಅಳಿಸಲಾಗಿದೆ. ಭಾರತ ಹಾಗೂ ತಿರುವನಂತಪುರದ ಪ್ರಗತಿಗೆ ಬಿಜೆಪಿ ಕಾರ್ಯಕರ್ತನಾಗಿ ಕಾರ್ಯನಿರ್ವಹಿಸಲು ಸದಾ ಬದ್ಧ ಎಂದು ತಿಳಿಸಿದ್ದಾರೆ. ಲೋಕಸಭೆ ಚುನಾವಣೆಯಲ್ಲಿ ತಿರುವನಂತಪುರ ಕ್ಷೇತ್ರದಿಂದ ಸ್ಪರ್ಧಿಸಿದ್ದ ರಾಜೀವ್‌ ಅವರು ಕಾಂಗ್ರೆಸ್‌ನ‌ ಶಶಿ ತರೂರ್‌ ವಿರುದ್ಧ ಸೋತಿದ್ದರು.