ತೆಲುಗು ಸಿನಿಮಾ ಇಂಡಸ್ಟ್ರಿಯಲ್ಲಿ ಬಹು ನಿರೀಕ್ಷಿತ ಸಿನಿಮಾಗಳನ್ನು ಕೊಟ್ಟಂತಹ ರಾಜಮೌಳಿ ಇದೀಗ ಹಾಲಿವುಡ್ ಸಿನಿಮಾ ರಂಗದ ಕಡೆ ಮುಖ ಮಾಡಿದ್ದಾರೆ. ರಾಜಮೌಳಿ ಬಾಹುಬಲಿ ಸಿನಿಮಾಗಳ ಮೂಲಕ ಭಾರತೀಯ ಚಿತ್ರರಂಗದತ್ತ ಹಾಲಿವುಡ್ನವರು ಕೂಡ ತಿರುಗಿ ನೋಡುವಂತೆ ಮಾಡಿದ್ದು, ಸದ್ಯ ರಾಜಮೌಳಿ RRR ಸಿನಿಮಾದಲ್ಲಿ ಬ್ಯುಸಿ ಇದ್ದಾರೆ. ಈ ನಡುವೆ ಸುದ್ದಿಯೊಂದು ಹರಿದಾಡುತ್ತಿದ್ದು, ರಾಜಮೌಳಿ ಹಾಲಿವುಡ್ ಸಿನಿಮಾಕ್ಕೆ ನಿರ್ದೇಶನ ಮಾಡುತ್ತಿದ್ದಾರೆ ಎಂದು ಹೇಳಲಾಗಿದೆ.
ಹೌದು ರಾಜಮೌಳಿ ತಂದೆ ವಿಜಯೇಂದ್ರ ಪ್ರಸಾದ್ ಹಾಲಿವುಡ್ ಸಿನಿಮಾಕ್ಕೆ ಕಥೆಯೊಂದನ್ನು ಬರೆದಿದ್ದು ಈ ಚಿತ್ರವನ್ನು ಸ್ವತಃ ರಾಜಮೌಳಿಯವರೇ ನಿರ್ದೇಶನ ಮಾಡುತ್ತಿದ್ದಾರೆ ಎಂದು ಸಂದರ್ಶನ ಒಂದರಲ್ಲಿ ವಿಜಯೇಂದ್ರ ಪ್ರಸಾದ್ ಹೇಳಿದ್ದಾರೆ.
ಹಾಲಿವುಡ್ ನಟ ರೈಮಂಡ್ ಅವರಿಗೆ ವಿಜಯೇಂದ್ರ ಪ್ರಸಾದ್ ಕಥೆ ಬರೆದಿದ್ದು, ರಾಜಮೌಳಿ ಈ ಚಿತ್ರಕ್ಕೆ ಆಕ್ಷನ್ ಕಟ್ ಹೇಳುತ್ತಿದ್ದಾರಂತೆ. ಈ ಕಥೆ ಲೈವ್ ಆ್ಯನಿಮೇಷನ್ ನಲ್ಲಿ ಮೂಡಿಬರಲಿದ್ದು, ದೊಡ್ಡ ಬಜೆಟ್ ಚಿತ್ರವಾಗಲಿದೆ. ವಿಶೇಷ ಅಂದ್ರೆ ‘ಇದೊಂದು ಭಾರತೀಯ ಕಥೆಯನ್ನು ಆಧರಿಸಿ ನಿರ್ಮಾಣ ಆಙಗುತ್ತಿರುವ ಸಿನಿಮಾನೇ ಎಂದು ವಿಜಯೇಂದ್ರ ಪ್ರಸಾದ್ ಹೇಳಿಕೊಂಡಿದ್ದಾರೆ.
