ರವಿವರ್ಮನ ತಿಲೋತ್ತಮೆ 5 ಕೋಟಿಗೆ ಹರಾಜು

ನ್ಯೂಯಾರ್ಕ್‌: ಭಾರತೀಯ ಚಿತ್ರಕಲೆಯ ದಂತಕತೆ ರಾಜಾ ರವಿವರ್ಮ ರಚಿಸಿರುವ, ದೇವಲೋಕದ ಅಪ್ಸರೆ ‘ತಿಲೋತ್ತಮೆ’ ಕಲಾಕೃತಿಯು, ನ್ಯೂಯಾರ್ಕ್‌ನಲ್ಲಿ ನಡೆದ ‘ಮಾಡರ್ನ್ ಆ್ಯಂಡ್‌ ಕಂಟೆಂಪರರಿ ಸೌತ್‌ ಏಷ್ಯನ್‌ ಆರ್ಟ್‌’ ಪ್ರದರ್ಶನದಲ್ಲಿ ಬರೋಬ್ಬರಿ 5.17 ಕೋಟಿ ರೂ.ಗಳಿಗೆ ಮಾರಾಟವಾಗಿದೆ. ಕಲಾಕೃತಿಯ ಮಾಲೀಕತ್ವ ಹೊಂದಿದ್ದ ನ್ಯೂಯಾರ್ಕ್‌ನ ಸೋತ್‌ಬೀ ಸಂಸ್ಥೆಯು, ಹರಾಜಿಗೂ ಮುನ್ನ ಈ ಕಲಾಕೃತಿಗೆ ಗರಿಷ್ಠ 3.90 ಕೋಟಿ ರೂ. ಸಿಗಬಹುದೆಂದು ಅಂದಾಜಿಸಿತ್ತು. ಆದರೆ, ನಿರೀಕ್ಷೆಗೂ ಮೀರಿ, ಈ ಕಲಾಕೃತಿ ಉತ್ತಮ ಮೊತ್ತಕ್ಕೆ ಮಾರಾಟವಾಗಿದೆ.