ಮುಂಬಯಿ: ಆಶ್ಲೀಲ ಚಿತ್ರ ನಿರ್ಮಾಣ ಹಾಗೂ ಪ್ರಚಾರ ಮಾಡಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಬಂಧಿತರಾಗಿದ್ದ ಶಿಲ್ಪಾ ಶೆಟ್ಟಿ ಪತಿ ರಾಜ್ ಕುಂದ್ರಾ ಟ್ವೀಟ್ ಮೂಲಕ ನಟಿಯೊಬ್ಬರ ಮೇಲೆ ಆರೋಪ ಮಾಡಿದ್ದಾರೆ.
ಪೊಲೀಸರು ಬಂಧಿಸಿದ ಬಳಿಕ ಜಾಮೀನು ಪಡೆದು ಹೊರಬಂದ ರಾಜ್ ಕುಂದ್ರಾ ಇತ್ತೀಚೆಗೆ ಸತ್ಯ ಹೊರ ಬರುತ್ತದೆ ಎನ್ನುವ ಟ್ವೀಟ್ ವೊಂದನ್ನು ಮಾಡಿದ್ದರು. ರಾಜ್ ಕುಂದ್ರಾ ಮಾಧ್ಯಮದ ಮುಂದೆ ಈಗಲೂ ಮುಖ ಮುಚ್ಚಿಕೊಂಡು ಮಾಸ್ಕ್ ಹಾಕಿಕೊಂಡು ಓಡಾಡುತ್ತಿದ್ದಾರೆ.
ಶೆರ್ಲಿನ್ ಚೋಪ್ರಾ ರಾಜ್ ಕುಂದ್ರಾ ವಿರುದ್ಧ ಆಶ್ಲೀಲ ಚಿತ್ರ ನಿರ್ಮಾಣ, ಪ್ರಚಾರ ಹಾಗೂ ಮಾನಸಿಕ ಹಿಂಸೆ ನೀಡುತ್ತಿದ್ದಾರೆ ಎಂದು ದೂರು ದಾಖಲಿಸಿದ್ದರು.
ಇತ್ತೀಚೆಗೆ ನೆಟ್ಟಿಗನೊಬ್ಬ ಶೆರ್ಲಿನ್ ಅವರ ಆಶ್ಲೀಲ ಚಿತ್ರದ ಕುರಿತು ರಾಜ್ ಕುಂದ್ರಾ ಅವರಿಗೆ ಪ್ರಶ್ನೆಯೊಂದನ್ನು ಮಾಡಿದ್ದ. ಈ ಟ್ವೀಟ್ ಗೆ ರಾಜ್ ಕುಂದ್ರಾ ಅವರು ಪ್ರತಿಕ್ರಿಯಿಸಿ ಶೆರ್ಲಿನ್ ವಿರುದ್ಧ ಹರಿಹಾಯ್ದಿದ್ದಾರೆ.
“ಇದು ನನ್ನ ಬಲವಾದ ನಂಬಿಕೆ. ಶೆರ್ಲಿನ್ ಸಮಾಜಕ್ಕೆ ಅಪಾಯ. ಅವಳು ಓನ್ಲಿ ಫ್ಯಾನ್ಸ್ ಅಕೌಂಟ್ ನಲ್ಲಿ ತಾನೇ ನಿರ್ಮಿಸಿದ ಕೀಳು ಮಟ್ಟದ ವಿಡಿಯೋಗೆ ಇನ್ನೊಬ್ಬರನ್ನು ದೂಷಿಸುತ್ತಿದ್ದಾಳೆ. ಇದರಿಂದ ಅವಳು ಹಣ ಗಳಿಸಿದ್ದಾಳೆ. ಕೆಟ್ಟ ಕೆಲಸಗಳನ್ನು ಮಾಡಿ ಅವಳು ಅಸಭ್ಯತೆ ಮತ್ತು ಮಹಿಳಾ ಹಕ್ಕುಗಳ ಬಗ್ಗೆ ಮಾತನಾಡುತ್ತಿದ್ದಾಳೆ. ಅವಳು ಶೀಘ್ರದಲ್ಲಿ ಬಂಧನವಾಗುತ್ತಾಳೆ. ಇದು ಸಮಯದ ವಿಷಯ ಎಂದು ಟ್ವೀಟ್ ಮಾಡಿದ್ದಾರೆ. ಇದರ ಜೊತೆಗೆ ಮಹಾರಾಷ್ಟ್ರದ ಸೈಬರ್ ಪೊಲೀಸರಿಗೆ ಟ್ಯಾಗ್ ಮಾಡಿದ್ದಾರೆ.