ಅವಾಂತರ ಸೃಷ್ಟಿಸಿದ ಮಳೆ

ಬೆಂಗಳೂರು: ನಗರದಲ್ಲಿ ಭಾನುವಾರ ಮಧ್ಯಾಹ್ನ ಸುರಿದ ಮಳೆಗೆ ಕೆಲವೆಡೆ ಮರಗಳು ಧರೆಗುರುಳಿದ್ದು, ದಿಢೀರ್‌ ಸುರಿದ ಮಳೆಯಿಂದಾಗಿ ರಸ್ತೆಗಳಲ್ಲಿ ನೀರು ನಿಂತು ವಾಹನ ಸವಾರರು ತೊಂದರೆ ಅನುಭವಿಸುವಂತಾಯಿತು.

ಭಾನುವಾರ ಮಧ್ಯಾಹ್ನ 3 ಗಂಟೆ ಸುಮಾರಿಗೆ ಸುರಿದ ಮಳೆಗೆ ಕುಮಾರ ಕೃಪಾ ಸಂಸ್ಥೆ, ಮಲ್ಲೇಶ್ವರ, ಹೂಡಿ ಹಾಗೂ ಎಚ್‌ಆರ್‌ಬಿಆರ್‌ ಬಡಾವಣೆಗಳಲ್ಲಿ 4 ಮರಗಳು ಧರೆಗುರುಳಿವೆ. ಇದರೊಂದಿಗೆ ಒಕಳಿಪುರ, ಸ್ಯಾಂಕಿ ರಸ್ತೆ ಹಾಗೂ ಕೆ.ಆರ್‌.ವೃತ್ತದ, ಚಾಲುಕ್ಯ ವೃತ್ತ ಹಾಗೂ ಚಿನ್ನಸ್ವಾಮಿ ಕ್ರೀಡಾಂಗಣದ ಮುಂಭಾಗದ ರಸ್ತೆಗಳಲ್ಲಿ ನೀರು ನಿಂತ ಪರಿಣಾಮ ವಾಹನ ಸವಾರರು ಪರದಾಡಿದರು.