ರೈಲ್ವೇಯಲ್ಲಿ ಭಡ್ತಿಗೆ ಇನ್ನು ಸಾಮರ್ಥ್ಯಕ್ಕೆ ಮಣೆ

ಹೊಸದಿಲ್ಲಿ: ಭಾರತೀಯ ರೈಲ್ವೇಯ 8 ಸೇವಾ ವಿಭಾಗಗಳನ್ನು ವಿಲೀನಗೊಳಿಸಿ ಒಂದೇ ಸಂಸ್ಥೆಯನ್ನಾಗಿಸಲಾಗಿದೆ.

ಅದನ್ನು ಮುಂದಿನ ದಿನಗಳಲ್ಲಿ ಭಾರತೀಯ ರೈಲ್ವೇಯ ವ್ಯವಸ್ಥಾಪಕ ಸೇವೆ ಎಂದು ಕರೆಯಲಾಗುತ್ತದೆ. ಮೇ 27ಕ್ಕೆ ಈ ಬಗ್ಗೆ ಹೊರಡಿ ಸಿರುವ ಅಧಿಸೂಚನೆಯಲ್ಲಿ ಇನ್ನೂ ಮಹತ್ವದ ಸಂಗತಿಗಳು ಹೊರಬಿದ್ದಿವೆ. ಆ ಪ್ರಕಾರ ಇನ್ನು ಮುಂದೆ ಭಡ್ತಿ ನೀಡುವಾಗ ಹಿರಿತನವನ್ನು ಪರಿಗಣಿಸುವುದಿಲ್ಲ, ಬದಲಿಗೆ ಸಾಮರ್ಥ್ಯ, ಕಾರ್ಯ ನಿರ್ವಹಣೆಯನ್ನು ಮಾತ್ರ ಪರಿಗಣಿಸಲಾಗುತ್ತದೆ.

ಇದರಿಂದ ರೈಲ್ವೇಯಲ್ಲಿ ಶೀಘ್ರ ಕೆಲಸಗಳು ಮುಗಿಯುತ್ತವೆ, ವೃತ್ತಿಪರತೆ ಹೆಚ್ಚಲಿದೆ, ನೇಮಕ ಪ್ರಕ್ರಿಯೆ ಸುಲಭವಾಗಲಿದೆ ಎಂದು ರೈಲ್ವೇ ಅಧಿಕಾರಿಯೊಬ್ಬರು ಹೇಳಿದ್ದಾರೆ.