ಪ್ಯಾರಿಸ್‌: 12ನೇ ಫ್ರೆಂಚ್ ಓಪನ್‌ ಪ್ರಶಸ್ತಿ ಮೇಲೆ ಕಣ್ಣಿಟ್ಟಿರುವ ರಫೆಲ್ ನಡಾಲ್ 3ನೇ ಸುತ್ತು ಪ್ರವೇಶಿಸಿದ್ದಾರೆ. ಬುಧವಾರದ ದ್ವಿತೀಯ ಸುತ್ತಿನ ಪಂದ್ಯದಲ್ಲಿ ಅವರು ಜರ್ಮನಿಯ ಅರ್ಹತಾ ಆಟಗಾರ, ವಿಶ್ವ ರ್‍ಯಾಂಕಿಂಗ್‌ನಲ್ಲಿ 114ನೇ ಸ್ಥಾನದಲ್ಲಿರುವ ಯಾನಿಕ್‌ ಮಡೆನ್‌ ವಿರುದ್ಧ 6-1, 6-2, 6-4 ಅಂತರದ ಸುಲಭ ಜಯ ಸಾಧಿಸಿದರು. ಈ ಜಯದೊಂದಿಗೆ ರೊಲ್ಯಾಂಡ್‌ ಗ್ಯಾರೋಸ್‌ನಲ್ಲಿ ನಡಾಲ್ ಗೆಲುವಿನ ದಾಖಲೆ 88-2ಕ್ಕೆ ವಿಸ್ತರಿಸಲ್ಪಟ್ಟಿತು.
ರಫೆಲ್ ನಡಾಲ್ ಇನ್ನು ಬೆಲ್ಜಿಯಂನ 27ನೇ ಶ್ರೇಯಾಂಕಿತ ಆಟಗಾರ ಡೇವಿಡ್‌ ಗೊಫಿನ್‌ ವಿರುದ್ಧ ಆಡಲಿದ್ದಾರೆ.
Advertisement
‘ಮಡೆನ್‌ ಅತ್ಯುತ್ತಮ ಆಟಗಾರ. ಅವರು ಈಗಾಗಲೇ 4 ಪಂದ್ಯ ಗೆದ್ದು ಬಂದಿದ್ದಾರೆ. ತುಂಬು ಆತ್ಮವಿಶ್ವಾಸದಲ್ಲಿದ್ದರು’ ಎಂಬುದಾಗಿ ನಡಾಲ್ ಪ್ರತಿಕ್ರಿಯಿಸಿದರು.