Puttur: ಮನೆ ಅಂಗಳದಲ್ಲಿ ನಿಲ್ಲಿಸಿದ್ದ ಸ್ಕೂಟರ್‌ ಕಳವು

ಪುತ್ತೂರು: ತಿಂಗಳಾಡಿ ಸಮೀಪದ ನಂಜೆಯಲ್ಲಿ ಮನೆಯಂಗಳದಲ್ಲಿ ನಿಲ್ಲಿಸಿದ್ದ ಸ್ಕೂಟರ್‌ ಅನ್ನು ಕಳವುಗೈದ ಘಟನೆ ನಡೆದಿದೆ.

ನಂಜೆ ನಿವಾಸಿ ಎನ್‌.ಎಂ. ಮೊಹಮ್ಮದ್‌ ಅವರ ಮನೆಯಂಗಳದಲ್ಲಿ ನಿಲ್ಲಿಸಿದ್ದ ಅವರ ಪುತ್ರ ತ್ವಹಾ ಮೊಯ್ಯುದ್ದೀನ್‌ ಅವರ ಸ್ಕೂಟರ್‌ ಅನ್ನು ಕಳವು ಮಾಡಲಾಗಿದೆ.

ಮನೆಯಂಗಳದಲ್ಲಿರುವ ಶೆಡ್‌ನ‌ಲ್ಲಿ ಟಿವಿಎಸ್‌ ಸ್ಕೂಟರ್‌ ಅಲ್ಲದೆ ಹೋಂಡಾ ಆಕ್ಟೀವಾ ಸ್ಕೂಟರ್‌, ಬೈಕ್‌ ಹಾಗೂ ಆಮ್ನಿ ಕಾರು ಇತ್ತು. ಆದರೆ ಕಳ್ಳರು ಕೇವಲ ಟಿವಿಎಸ್‌ ಸ್ಕೂಟರ್‌ ಒಂದನ್ನು ಮಾತ್ರ ಲಪಟಾಯಿಸಿದ್ದಾರೆ. ಸಂಪ್ಯ ಪೊಲೀಸ್‌ ಠಾಣೆಗೆ ದೂರು ನೀಡಿದ್ದಾರೆ.