ನವ ದೆಹಲಿ: ಬಾಲಿವುಡ್ ಸೂಪರ್‌ ಸ್ಟಾರ್ ಸುಷ್ಮಿತಾ ಸೇನ್ ಹಾಗೂ ಅವರ ಗೆಳೆಯ, ಮಾಡೆಲ್ ರೋಹ್ಮನ್ ಶಾಲ್ ಅವರೊಂದಿಗೆ ಮುಂಬೈ ಸಿಟಿಯಲ್ಲಿ ಶನಿವಾರ(ಫೆ. 13) ವಿಹಾರದಲ್ಲಿ ಕಾಣಿಸಿಕೊಳ್ಳುವುದರ ಮೂಲಕ ತಮ್ಮ ಸಂಬಂಧದ ಮೇಲೆ ಇದ್ದ ಎಲ್ಲಾ ಬ್ರೇಕ್ ಅಪ್ ಊಹಾಪೋಹಗಳಿಗೆ ತೆರೆ ಎಳೆದಿದ್ದಾರೆ.
ಓದಿ : ಬೈಡನ್ ದಂಪತಿಗಳು ತೆರೆದಿಟ್ಟ ಪ್ರೇಮ್ ಕಹಾನಿ..!
ಈ ಬಾಲಿವುಡ್ ಅಂಗಳದ ಜೋಡಿಗಳು ಮುಂಬೈ ಸಿಟಿಯಲ್ಲಿ ವಿಹಾರದ ಸಂದರ್ಭದಲ್ಲಿ ಫೋಟೊ ಕ್ಲಿಕ್ಕಿಸಿಕೊಂಡಿದ್ದು ಈಗ ಬಹಿರಂಗವಾಗಿದೆ. ರೋಹ್ಮನ್ ಶಾಲ್ ಹಾಗೂ ಸುಷ್ಮಿತಾ ಸೇನ್ ಶುಕ್ರವಾರ ರಾತ್ರಿ ಕೂಡ ಜೊತೆಯಲ್ಲಿ ಕಾಣಿಸಿಕೊಂಡಿದ್ದರು ಎಂದು ವರದಿಯಾಗಿದೆ.
“ಸಮಸ್ಯೆ ಎಂದರೇ ಅವನು ಬದಲಾಗುತ್ತಾನೆ ಎಂದು ಮಹಿಳೆಯರು ಬಯಸುತ್ತಾರೆ. ಆದರೇ, ಅವನು ಬದಲಾಗುವುದಿಲ್ಲ. ಪುರುಷರು ಮಾಡುವ ತಪ್ಪು ಏನೆಂದರೇ, ಅವಳು ಬದಲಾಗುವುದಿಲ್ಲ ಎಂದುಕೊಳ್ಳುವುದು. ಆದರೇ ಅವಳು ಬದಲಾಗುತ್ತಾಳೆ” ಎಂದು ಮಾಜಿ ಮಿಸ್ ಯೂನಿವರ್ಸ್ ಸುಷ್ಮಿತಾ ಸೇನ್ ಇತ್ತೀಚೆಗೆ ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಹಾಕಿದ್ದ ವಿಷಾದವನ್ನು ಸೂಚಿಸುವ ಪೋಸ್ಟ್ ನ ಕಾರಣದಿಂದಾಗಿ, ಸಾಮಾಜಿಕ ಜಾಲತಾಣದಾದ್ಯಂತ ಸುಷ್ಮಿತಾ ಸೇನ್ ಅವರ ಲವ್ ರಿಲೇಶನ್ ಶಿಪ್ ನಲ್ಲಿ ಬಿರುಕು ಕಾಣಿಸಿಕೊಂಡಿದೆ ಎಂಬ ಊಹಾಪೋಹಗಳು ಹರಿದಾಡುತ್ತಿತ್ತು.
ಈ ಊಹಾಪೋಹಗಳು ಹರಿದಾಡುತ್ತಿರುವ ಮಧ್ಯದಲ್ಲೇ ಸುಷ್ಮಿತಾ ಸೇನ್ ಇತ್ತೀಚೆಗೆ ಸೋಲೋ ಫೋಟೊವೊಂದನ್ನು ಪೋಸ್ಟ್ ಮಾಡಿದ್ದರು.
ಸದ್ಯ, ಕಿಸ್ ಡೇ ದಿನ ಜೋಡಿ ಹಕ್ಕಿಗಳು ಜೊತೆಯಾಗಿ ಪೋಟೊ ಕ್ಲಿಕ್ಕಿಸಿಕೊಂಡಿರುವುದು ಅಭಿಮಾನಿಗಳಲ್ಲಿದ್ದ ಬೇಸರಗಳನ್ನು ಅಳಿಸಿಹಾಕಿದೆ.
ಓದಿ : ವಿಧಾನಸಭಾ ಚುನಾವಣೆಗೆ ಸಿದ್ಧತೆ : ನಾಳೆ ಪ್ರಧಾನಿ ನರೇಂದ್ರ ಮೋದಿ ಕೇರಳಕ್ಕೆ
