Pushpa 2film : 21 ದಿನಗಳಲ್ಲಿ 1100 ಕೋಟಿ ರೂ. ಗಳಿಸಿದ “ಪುಷ್ಪ-2′ ಸಿನೆಮಾ

ಹೈದರಾಬಾದ್‌: ಬಾಕ್ಸ್‌ ಆಫೀಸ್‌ನಲ್ಲಿ “ಪುಷ್ಪ 2′ ಚಿತ್ರದ ನಾಗಾಲೋಟ ಮುಂದುವರಿದಿದ್ದು, ಬಿಡುಗಡೆಯಾದ 21 ದಿನದಲ್ಲಿ ದೇಶಾದ್ಯಂತ 1100 ಕೋಟಿ ರೂ. ಗಳಿಕೆ ಮಾಡಿದೆ ಎಂದು ವರದಿಯಾಗಿದೆ.

ಬುಧವಾರದ ಅಂತ್ಯಕ್ಕೆ ದೇಶಾದ್ಯಂತ 19.75 ಕೋಟಿ ರೂ. ಗಳಿಸುವ ಮೂಲಕ ಈ ಮೈಲಿಗಲ್ಲನ್ನು ಚಿತ್ರ ದಾಖಲಿಸಿದೆ ಎಂದು ಚಿತ್ರ ಗಳಿಕೆಯ ಕುರಿತು ಮಾಹಿತಿ ನೀಡುವ “ಸಕ್‌ನಿಲ್ಕ್’ ಎಂಬ ವೆಬ್‌ಸೈಟ್‌ ತಿಳಿಸಿದೆ.

ಹಿಂದಿ ಅವತರಣಿಕೆಯಿಂದ 716.65 ಕೋಟಿ, ತೆಲುಗಿನಲ್ಲಿ 316.3 ಕೋಟಿ, ತಮಿಳಿನಲ್ಲಿ 55.35 ಕೋಟಿ, ಮಲಯಾಳಂನಲ್ಲಿ 14.07 ಕೋಟಿ ಹಾಗೂ ಕನ್ನಡದಲ್ಲಿ 7.48 ಕೋಟಿ ರೂ. ಗಳಿಕೆಯಾಗಿದೆ.

“ಮೈತ್ರಿ ಮೂವಿ ಮೇಕರ್ಸ್‌’, ಪುಷ್ಪ-2 ಚಿತ್ರವು 21ನೇ ದಿನದಾಂತ್ಯಕ್ಕೆ ಜಾಗತಿಕವಾಗಿ 1705 ಕೋಟಿ ರೂ. ಗಳಿಸಿದೆ ಎಂದು ಟ್ವೀಟ್‌ ಮಾಡಿದೆ. ಈ ಹಿಂದೆ “ಬಾಹುಬಲಿ-2′ ಚಿತ್ರ 1030 ಕೋಟಿ ಗಳಿಸಿತ್ತು.