ಶುಕ್ರವಾರ ಒಂದೇ ದಿನ ಪುರಿ ಜಗನ್ನಾಥ ದೇಗುಲಕ್ಕೆ ಹರಿದು ಬಂತು 28 ಲಕ್ಷ ರೂ. ಕಾಣಿಕೆ

ಭುವನೇಶ್ವರ: ಒಡಿಶಾದ ಪುರಿ ಜಗನ್ನಾಥ ದೇಗುಲದಲ್ಲಿ ಶುಕ್ರವಾರ ಒಂದೇ ದಿನದಲ್ಲಿ ಹುಂಡಿಗೆ 28 ಲಕ್ಷ ರೂಪಾಯಿ ಗುಪ್ತ ಕಾಣಿಗೆ ಬಂದಿದೆ. ಕಳೆದ 2 ವರ್ಷಗಳಲ್ಲಿ ಒಂದೇ ದಿನದಲ್ಲಿ ಸಂಗ್ರಹವಾದ ಅತಿ ಹೆಚ್ಚು ಕಾಣಿಕೆಯಿದು ಎಂದು ದೇಗುಲ ತಿಳಿಸಿದೆ.

“ಶುಕ್ರವಾರ ಪುರಿ ಜಗನ್ನಾಥ ದೇಗುಲದಲ್ಲಿ ಅನಾಲಾ ನವಮಿ ಆಚರಿಸಲಾಗಿದೆ. ಈ ದಿನದಂದು ದೇವರ ಹುಂಡಿಗೆ ಕಾಣಿಕೆ ಅರ್ಪಿಸುವುದರಿಂದ ಒಳಿತಾಗುತ್ತದೆ ಎನ್ನುವ ನಂಬಿಕೆಯಿದೆ. ಆ ಹಿನ್ನೆಲೆಯಲ್ಲಿ ಸಾವಿರಾರು ಭಕ್ತಾದಿಗಳು ಹುಂಡಿಗೆ ಕಾಣಿಕೆ ಹಾಕಿದ್ದಾರೆ.

ಒಟ್ಟು 28,10,691 ರೂಪಾಯಿ ನಗದು, 550 ಮಿ.ಗ್ರಾಂ ಬಂಗಾರ ಹಾಗೂ 61.70 ಗ್ರಾಂ. ಬೆಳ್ಳಿ ಕಾಣಿಕೆ ರೂಪದಲ್ಲಿ ಬಂದಿದೆ. ಐವರು ಸಿಬ್ಬಂದಿ ಐದು ಗಂಟೆಗಳ ಕಾಲ ಕಾಣಿಕೆ ಎಣಿಸಿದ್ದಾರೆ. ಸಾಮಾನ್ಯ ದಿನಗಳಲ್ಲಿ 2.5-3 ಲಕ್ಷ ರೂಪಾಯಿ ಕಾಣಿಕೆ ಬರುತ್ತದೆ” ಎಂದು ದೇಗುಲದ ಮಂಡಳಿ ಹೇಳಿದೆ.

ಇದನ್ನೂ ಓದಿ : ಕಾರ್ಯಶೈಲಿ ಬದಲಿಸಿಕೊಳ್ಳಿ; ಹೆಚ್ ಡಿಕೆಯಿಂದ ಮುಖಂಡರಿಗೆ ಒಗ್ಗಟ್ಟು ಮತ್ತು ಸಂಘಟನೆ ಪಾಠ