Odisha: ಪುರಿ ಕಾರಿಡಾರ್‌ ಉದ್ಘಾಟನೆಗೆ ರೆಡಿ

ಭುವನೇಶ್ವರ: ಅಯೋಧ್ಯೆಯಲ್ಲಿ ಜ. 22ರಂದು ರಾಮ ಮಂದಿರ ಲೋಕಾರ್ಪಣೆ­ಗೊಳ್ಳಲಿರುವಂತೆಯೇ ಅಷ್ಟೇ ಭವ್ಯವಾಗಿ ಪುರಿಯಲ್ಲಿ “ಜಗನ್ನಾಥ ಹೆರಿಟೇಜ್‌ ಕಾರಿಡಾರ್‌ ಯೋಜನೆ’ ಉದ್ಘಾಟನೆಗೆ ಒಡಿಶಾ ಮುಖ್ಯಮಂತ್ರಿ ನವೀನ್‌ ಪಟ್ನಾಯಕ್‌ ಅಣಿಯಾಗಿದ್ದಾರೆ.

ಲೋಕಸಭೆ, ವಿಧಾನಸಭೆ ಚುನಾವಣೆ ಸಮೀಪಿಸುತ್ತಿರುವಂತೆಯೇ ಜಗನ್ನಾಥ ಮಂದಿರದ ಅಭಿವೃದ್ಧಿ ಯೋಜನೆಗಳ ಮೂಲಕ ಅದರ ಲಾಭ ಪಡೆಯಲು ಬಿಜೆಡಿ ಮುಂದಾಗಿದೆ ಎಂದು ರಾಜಕೀಯ ಪಂಡಿತರು ವಿಶ್ಲೇಷಿಸಿದ್ದಾರೆ. ಜ. 17ರಂದು ಜಗನ್ನಾಥ ಹೆರಿಟೇಜ್‌ ಕಾರಿಡಾರ್‌ ಲೋಕಾರ್ಪಣೆಯಾಗುತ್ತಿದೆ. ಜತೆಗೆ ಕೋಟ್ಯಂತರ ರೂ. ವೆಚ್ಚದ ಅಭಿವೃದ್ಧಿ ಯೋಜನೆಗಳಿಗೂ ಸಿಎಂ ಚಾಲನೆ ನೀಡಲಿದ್ದಾರೆ.