ಪಿಯುಸಿಯಲ್ಲಿ ಬಳೆ ವ್ಯಾಪಾರಿ ಮಗಳಿಗೆ ಶೇ.97 ಅಂಕ

ಗುಂಡ್ಲುಪೇಟೆ: ಪಟ್ಟಣದ ಬಳೆ ವ್ಯಾಪಾರಿ ಮಗಳಾದ ಎಂ.ತನುಶ್ರೀ ದ್ವಿತೀಯ ಪಿಯುಸಿ ಪರೀಕ್ಷೆಯಲ್ಲಿ 600ಕ್ಕೆ 582 ಅಂಕ(ಶೇ.97) ಪಡೆಯುವ ಮೂಲಕ ಅತ್ಯುನ್ನತ ಶ್ರೇಣಿಯಲ್ಲಿ ತೇರ್ಗಡೆ ಹೊಂದಿದ್ದಾರೆ.

ಪಟ್ಟಣದ 14ನೇ ವಾರ್ಡ್‌ ಜನತಾ ಕಾಲೋ ನಿಯ ನಿವಾಸಿಗಳಾದ ಮಂಜುನಾಥ್‌-ಉಮಾ ದಂಪತಿ ಪುತ್ರಿ ಎಂ.ತನುಶ್ರೀ ಮೈಸೂರಿನ ಬಾಲ ಗಂಗಾಧರನಾಥಸ್ವಾಮೀಜಿ ಕಾಲೇಜು ವಿದ್ಯಾರ್ಥಿಯಾಗಿದ್ದು, ಕನ್ನಡ-98, ಇಂಗ್ಲಿಷ್‌-95, ಭೌತಶಾಸ್ತ್ರ-92,ರಸಾಯನಶಾಸ್ತ್ರ-99, ಗಣಿತ-100,ಜೀವಶಾಸ್ತ್ರ-98 ಅಂಕ ಗಳಿಸುವ ಮೂಲಕ ಉತ್ತಮ ಸಾಧನೆ ಮಾಡಿದ್ದಾರೆ.

ಮಗಳು ಎಂ.ತನುಶ್ರೀ ಸಾಧನೆಗೆ ಪೋಷಕರು ಸಂತಸ ವ್ಯಕ್ತಪಡಿಸಿದ್ದಾರೆ.