Public Meeting: ಬಾಲಕಿ ಕೇಳಿದ ಪ್ರಶ್ನೆಗೆ ಉತ್ತರಿಸಿದೆ ಸಿಟ್ಟಿಗೆದ್ದ ಜಾಕೀರ್‌ ನಾಯ್ಕ್‌!

ನವದೆಹಲಿ: ದೇಶ ಬಿಟ್ಟು ಪರಾರಿಯಾಗಿರುವ ಜಾಕೀರ್‌ ನಾಯ್ಕ ಸದ್ಯ ಪಾಕಿಸ್ತಾನದ ಪ್ರವಾಸದಲ್ಲಿದ್ದು, ಕರಾಚಿಯ ಸಭೆಯೊಂದರಲ್ಲಿ ಬಾಲಕಿಯೊಬ್ಬಳು, ಸಮಾಜದಲ್ಲಿರುವ ಶಿಶುಕಾಮ ಸೇರಿದಂತೆ ಇತರ ಪಿಡುಗುಗಳ ಬಗ್ಗೆ ಕೇಳಿದ ಪ್ರಶ್ನೆಗಳಿಗೆ ಗರಂ ಆಗಿದ್ದಾನೆ.

“ಮುಸ್ಲಿಂ ಸಮಾಜದಲ್ಲಿ ಶಿಶುಕಾಮದಂಥ ಯಾವುದೇಅವಕಾಶ ಇಲ್ಲ. ಇಂಥ ಪ್ರಶ್ನೆಗಳನ್ನು ಕೇಳುವ ಮೊದಲು 10 ಬಾರಿ ಯೋಚಿಸಬೇಕು’ ಎಂದು ಹೇಳಿದ್ದಾನೆ. ಸಿಟ್ಟಿಗೆದ್ದ ಜಾಕೀರ್‌ ನಾಯ್ಕ, ಬಾಲಕಿ ಕೇಳಿದ್ದು ತಪ್ಪು ಮತ್ತು ಕ್ಷಮೆ ಕೋರಬೇಕು ಎಂದು ಒತ್ತಾಯಿಸಿದ್ದಾನೆ. ಆತನ ನಡವಳಿಕೆ ಬಗ್ಗೆ ಭಾರೀ ವಿರೋಧ ವ್ಯಕ್ತವಾಗಿದೆ.

ಅಮೆರಿಕಗಿಂತ ಪಾಕ್‌ನಲ್ಲಿ ಇರುವವರು ಸ್ವರ್ಗಕ್ಕೆ ಹೋಗುವವರು: ನಾಯ್ಕ
ಅಮೆರಿಕದಲ್ಲಿರುವವರಿಗಿಂತಲೂ ಪಾಕಿಸ್ತಾನದಲ್ಲಿರುವವರಿಗೆ ಸ್ವರ್ಗಕ್ಕೆ ಹೋಗಲು ಹೆಚ್ಚು ಅವಕಾಶ ಎಂದು ಜಕೀರ್‌ ಹೇಳಿದ್ದಾನೆ. ಜನರ ಜೀವನಕ್ಕೆ ಸಂಬಂಧಿಸಿದಂತೆ ಅಮೆರಿಕಕ್ಕಿಂತ ಪಾಕಿಸ್ತಾನವು ಬಹಳಷ್ಟು ಉತ್ತಮವಾಗಿದೆ.

ಹಾಗಾಗಿ, ಇಲ್ಲಿರುವವರು ಸ್ವರ್ಗಕ್ಕೆ ಹೋಗಲು ಹೆಚ್ಚು ಅರ್ಹರು ಎಂಬ ರೀತಿಯಲ್ಲಿ ಮಾತನಾಡಿದ್ದಾನೆ. ಈತನ ಈ ಮಾತುಗಳ ಬಗ್ಗೆ ಸೋಷಿಯಲ್‌ ಮೀಡಿಯಾದಲ್ಲಿ ವ್ಯಂಗ್ಯ ಮಾಡಲಾಗುತ್ತಿದೆ.